Løvetanns verden

Straks tilbake...

2010-10-22T17:38:00.002+02:00

Har hatt ein vanvittig hektisk sommar og haust men nå håper eg at eg snart kan være tilbake på bloggen igjen.

I sommar såg eg midnattsol.

Aner ikkje ka som har hendt på bloggfronten på mange måneder. Ka er inn, ka er ute? E Green Gate fremdeles like populært? Ka med polkadotter? Og ka for ein farge e inn i haust?

Eg skal prøve å ta meg ein runde hos dåke og så er eg tilbake før du aner det...

Oppdateringsinnlegg

2010-06-15T17:25:00.001+02:00

Heisann alle bloggvenner der ute! Etter siste innlegg der eg nettopp hadde fått ny jobb har det gått slag i slag. Ein liten oppdatering følger her.

Jomfrua fekk fortsette å bu i huset. Husleiga har steget med 900 kr men enn så lenge blir hu der. Ventar på at nåke bedre skal dukke opp og det gjer det nok.

Ferien er i boks. Eg lurte veldig på om eg skulle gi etter for mannen min sitt ønske om å reise med Hurtigruten, med 3 Jomfruer og 1 Pusegutt på slep, men han gav seg ikkje. For ein gong skuld fekk han styre på aleine og det resulterte i 2 lugarer til ungane og ein suite til oss (!!) Du vil ikkje vite ka det koster... Godt eg har fått ny jobb. Vel, det skal bli interessant å sjå om skuta klara å komme seg til Kirkenes uten varige mèn. Mannen min meina me kanskje kan få gifta jomfruene vekk til nåken rike amerikanske turistar.

Vel, for ei som aldri har vore lenger nord enn Molde skal det bli spennande å oppleve landet vårt. Gler meg til å sjå midnattssola. Jomfruene er faktisk veldig positive til ferien òg.

Dei som var innom meg i vinter husker kanskje at me hadde bestemt oss for å få hund. Eg har brukt utrolig mye tid på dette prosjektet. Me ville jo ha ein Beagle men det viser seg å være heilt umulig. Dei som driv med alv av Beagle vil ikkje selge valpar til folk som ikkje driv med jakt. Eg vil ikkje har ein hund som e ein drapsmaskin av et dyr så eg har sett meg om etter andre rasar. Men det er ikkje lett. Me blir rett og slett ikkje enige. Eg trur eg må komme tilbake med et utvida hunde-innlegg for det har vore gjenstand for høglytt diskusjon i heimen.

Til slutt må eg sei litt om malen min. Eg var så glad her i vår for eg hadde fått meg ny og fin vår-mal med løvetann på. Men himmel kor raskt eg havna i ei svære identitetskrisa. Kvar gong eg var inne på bloggen følte eg meg som ein annan så eg måtte berre kapitulera og gå tilbake til den gamle, gode 70-tallsblomtretapeten. Ikkje mange andre som bruka denne malen men eg lika den godt. Problemet med den nye malen var at bildene mine flaut rundt på skjermen. Forstå det den som kan...

Her er et lite utvalg av blomster i hagen. Før planta eg masse om våren og så var det dødt til Jonsok. I år har eg lagt meg i selen for at dei skal overleve litt lenger. Det går ikkje så aller værst.

Ha ei fine veka i det fine været

Fekk jobben!!

2010-05-23T23:43:00.003+02:00

Eg har hatt nåken nervepirrannde veker. Onsdag var eg på intervju. Hadde brukt heile kvelden før til å finne ut kordan eg skulle ha håret og ka eg skulle ha på meg. Eg spurte Jomfruene på loftet om eg skulle gå for ein røff og kul stil med utslått hår eller en mild og moden stil med oppsatt hår. Jomfruene sin dom var at eg kunne ikkje vore kul om eg hadde stått på hodet, så derfor blei det mild og moden stil...

Dei hadde kalla inn 5 stk til intervju. Var EKSTREMT nervøs, men då eg kom inn roa nervene seg. Mannen min sa eg ikkje måtte snakka for møkje men eg fekk nå sagt det eg hadde tenkt og meir til.

Så var det å venta. Og venta og venta og venta. Holdt på å bli gal av å lure på utfallet. Hadde fått beskjed om at eg skulle få svar i løpet av fredagen, den dagen blei lang, veldig lang... Men så fekk eg svaret, eg fekk jobben. Blei veldig glad!

Nå får eg altså eget KONTOR. Var innom og sjekka litt fargar. Blå kontorstol, blå panelgardiner og blå stoler rundt møtebordet. Det bety at eg kan ha rosa Keep calm-plakat og så har eg tekt å kjøpe meg ein Green gate kopp òg.

Starter i den nye jobben 1. august. Gleder meg veldig!

Ny jobb?

2010-05-09T23:08:00.002+02:00

Eg vurderer sterkt å skifte jobb. Har vore 13 år på samme plass og trives svært godt men har lyst på nye utfordringer. Så den siste tida har eg nå slengt i vei nåken søknader.

Hvis eg får ny jobb får eg faktisk eget kontor... Ka gir du meg? Eg har allerede innreda kontoret i hodet. Har lyst på ein Keep calm-plakat på veggen. Lille maison har et bra utvalg. Kan sikkert bestille ein der. Ja eg vett eg e seint ute i fohold til andre i bloggverden men det får bare våge seg.

Veldig spennande tid framover. Nå må eg bare krysse finger og tær.

Jomfru på hybeljakt

2010-05-03T23:40:00.004+02:00

Det er hektiske dager for meg for tida. Den eldste av jentene våre fekk jo i påsken beskjed om at huset ho bur i skal selges og hu måtte ut til 1. mai.

Eg satte straks i gang med å tråle nettet etter ny hybel for Jomfruene på Loftet nekta å ta Jomfrua på Hybel inn i huset igjen.
Me fant nåken kollektiv som kunne være aktuelle men tanken på nåke litt for seg sjølv gjorde seg nå gjeldande. Jomfrua har nemlig ein venn som har egen leilighet med stue med sovealkove, eget kjøkken og eget bad. For tusen kroner meir enn ho betaler nå kunne denne draumen bli virkelighet. Eg syntes jo det var litt dyrt med 4100,- eks. staum, særlig når ho ikkje gidder jobbe men berre har lyst til å gå rundt å sveve og leve på luft og kjælighet og Fjordland.

Men me tok nå turen ned på Hybelparadiset og låste oss inn. Hybeldraumen var ekstremt sytgg. Eg vil ikkje kalla det nåke mareritt men eg blei svett og klam. Meir innrøyk hus trur eg du skal leite lenge etter. Og hybelen var ekstremt nedslitt og gammal. Kjøkkenet var fra 1958. Det hadde nok vore vaska der i løpet av åra men maling var det dårlig med. Badet såg ut som ein mini-utgave av dusjanlegget på barneskolen min. Trist.

Jomfrua mente me kunne lufte ut og kjøpe nåken puter men eg fant ut at det måtte ekstremt mange puter til for å få hybeltragedien opp på et noenlunde normalt nivå. Me slo det fra oss.

Så kom det beskjed fra hybelverten. Hu kan bu der til 1. juni og kameraten til husvverten skal kanskje kjøpe huset og fortsette å leige ut og då kan hu i alle fall fortsette å bu der.

Men draumen om nåke eget hadde hu fremdeles. Løsningen på det kan bli ein kollega av meg. Hu står for utleige av ein del hybler oppe i gata her. Da får hu et rom på ca 20 m2, kjøkkenkrok men må dele bad med 3 andre. Det skal hu berre betale 2000,- eks straum. Det er gode muligheter for at hu får nåke ledig i løpet av sommeren. Krysser fingrene.

Bildene av puter har eg lånt fra Zara Home

Ny mal

2010-05-03T23:35:00.001+02:00

Eg har lenge forsøkt å fiksa litt på bloggen min. Eg har lest om sånne HTML-koder men skriver du et komma eller et tall feil må du gå rett i fengsel og du mottar ikkje 200 kr sjølv om du passera START. I tillegg til detta kan bloggen bli heilt grusom stygge og ting kan forsvinna. Så eg såg min begrensning i tasting av kodar og gav opp.

Eg har fått masse tips fra Jorid fra Noe på hjertet og i kveld var eg tilfeldigvis innom henna igjen. Og der låg det et nytt godt tip for oss som HTML-angst, nemlig en ny malvelger. Den må du sjekke ut!

Eg var litt redd for å velge ein ny og skummel mal, eg lika jo godt den gamle, gode med brunblomstrete 70-tallstapet-bakgrunn. Men nå har eg kasta meg uti det og funnet ein eg lika godt. Dersom eg skulle havna i ei identitetskrise får eg heller sjå om eg ikkje klara å gjera om endringane.

Takk til Jorid for god hjelp.

Min første Green Gate

2010-04-27T14:34:00.001+02:00

Eg har fått min første Green Gate. Kjøpte meg ein ny sminkepung her forleden på Berthas oldebarn. Den var på tilbud og sikkert fra fjorårets kolleksjon men fin alikevel.

Neste Green Gate-kjøp blir kanskje en kopp eller to. Må berre få tømt nåken skap først...

Ha ei fine veka

Hurtigruten... ja, nei, kanskje?

2010-04-12T15:32:00.001+02:00

Eg har et problem som eg gjerne vil ha hjelp til å løyse. Mannen min har veldig lyst til å reise med Hurtigruten til sommeren men eg e veldig usikker.

Det e jo knalldyrt og eg e overhode ikkje sikker på om det blir så festlig med 4 ungar ombord på ein båt i 5-6 dagar.

Så nå er spørsmålet om du har nåken erfaringer du kan dele med meg? Trenger gode råd!

Påskekrim i heimen

2010-04-05T23:35:00.002+02:00

Eg hadde bestemt meg for at i år skulle me ta ein velfortjent miniferie i påsken. London, Paris, Barcelona eller kanskje Stockholm? Fine byar og muligheter for shopping. I like!
Men kor lenge var mor i paradis? Eg var ikkje kommet lenger enn til Palmehelga før problemene satte inn.

Eg skulle berre ein liten svipptur inn på nettet å sjekke kor møkje me fekk igjen på skatten. Eg trudde eg skulle besvime; 18 000,- i RESTSKATT! Storbyferien blei raskt avlyst. Jomfruene var knust og Pusegutten var dritsur.

Så ringte den eldste av Jomfruene og grein i telefonen. Huseigeren skulle selge huset og hu må ut til 1. mai. Eg huska brått kor festlig sommaren i fjor var med tusen visninger der eg vassa i hybelkaniner og kattehår. Vel, me har ikkje valg. Hu må ut.

Skjærtorsdag reiste me på besøk til mor mi. Då me kom inn døra kunne hu fortelja at Bestemor hadde fått hjerteinfarkt og var innlagt på sykehus. Hu er 93 år gammal så det kan jo gå begge veier.

Langfredag døde ein av fiskane i akvariet eg passer på denne påske. Og det er ikkje nåke sjanse for at han står opp igjen 3. dagen heller...

Ja ja det er berre å innsjå at dette var ikkje min påske. Håper du har hatt det fint.

Tankar kring ei gravferd

2010-03-25T10:13:00.001+01:00

Gravferd... Eg synes det e et finar ord enn begravelse. Nå e livet slutt, og ein tar fatt på den siste ferda.

Eg har ikkje gått i så mange gravferder. Ei handfull gamle slektingar, ein gammal kollega og ei lita fin jente på 8 år. Lille Elisabeth gjekk i klasse med ei av jentene våre. Ho hadde store funksjonshemminger og hadde et strevsomt liv men for ei solsråla ho var. Eg er veldig glad for at jenta mi fekk læra henna å kjenna.

Ein dag etter ein enkel operasjon ville ikkje det vesle hjerte hennes meir. Ho sovna inn og vakna aldri meir opp til mamma, pappa og dei to flotte søstrene sine. Eg gløymer aldri synet av den vesle kista.

I dag skal eg følge ein gammal nabo til grava. Han har alltid vært så positiv og stått på og det er trist at han er borte.

For to år siden opplevde han at begge barna hans døde med 4 måneders mellomrom. Dei hadde vært sjuke svært lenge begge to og døden kom som ein lettelse. Det må være veldig vondt å overleve sine eigne barn.

Eit langt liv er slutt, ferda di går vidare. Takk for praten kjære nabo.

Settekasse søkes

2010-03-23T20:31:00.001+01:00

Eg har så utrulig lyst på ein settekasse. Ein sånn gammal og litt slitt. Eg vett ikkje heilt kor eg skal ha den men eg vil ha ein.

Nei ikkje ein sånn som dette. Den får du tak i hos cchobby.no

På 80-tallet hadde alle settekassar med små nedstøva glassgrisar, kinderegg-figurar, tørka roser, glatte steinar og andre festlige småting. Men ikkje eg. Det blei liksom ikkje til at eg kjøpte nåke settekasse og nå merka eg at eg berre MÅ ha ein.

Når damer på 38 år plutselig MÅ ha ting e detta i følge Jomfruene på loftet tegn på midtlivskrise. Ja, ja nå e det sånn at det meste eg gjør for tida tegn på midtlivskrise. Trur dei har lært seg et nytt ord...

Midtlivskrise eller ikkje, eg vil ha ein settekasse. Og då e spørsmålet til deg; kor får eg tak i ein? I Bergen fortrinnsvis.

Blomster i stova

2010-03-17T19:51:00.001+01:00

Måtte bare ha litt vårfølelse inn i stova så eg kjøpte med meg desse blomstene på vei heim.

Eg har lært på Foreldremanualen at dei beste bildene tar du i dagslys men det er jo umulig for meg. Eg kjeme heim nå det har blitt mørk og derfor e bildene av dårlig kvalitet. Hvis du vil ha fleire fototips så finner du dei på samme sida.

Lysestaken i tinn fekk mannen min av nåken elevar ein gong. Ganske fin.

Jomfruene har fått luft og lys

2010-03-15T22:05:00.001+01:00

Like før jul blei det bestemt at me skulle få satt opp takvinduer på Jomfruloftet. Du kan sjå kordan det såg ut før HER

Eg hadde et lite håp om at me skulle få satt dei inn før jul og fordi dei hadde vinduene på lager så var dei oppe før eg hadde fått sagt pinnakjøt og kålrabistappa.

Eg var ikkje heilt fornøyd med resultatet. Eg ville det skulle være symetrisk. På grunn av bjelkelaget og nåke greier bak skråtaket så måtte det berre bli sånn. Men nå når eg har fått sett litt meir på det så ser eg at det er heilt OK. Det eine vinduet er nå rett over sofaen til jomfruene så då kan dei ligga å sjå på stjernene mens dei er på Facebook.

Me skulle ha et damemenneske til å sparkle og male men hu kunne ikkje så tett opp mot jul (lille julaften) Derfor måtte jomfruene vente til over nyttår.

Nå er hu imidlertid ferdig og me e godt fornøyd med resultatet.

Award

2010-03-10T20:01:00.000+01:00

Eg fekk denna fine awarden fra Fiolkransen. Takk for den.

Denne gangen skal eg sende den videre til 12 flotte bloggedamer/jenter.

Her er Oppskrifta:

The sunshine Blog Award is awarded to bloggers whose positivety and creativity inspire other in the blogworld. The rules for accepting the award are:

1. Put the logo on your blog or within your post,

2. Pass the award to 12 bloggers.

3. Link the nominees within your post.

4. Let them know they recieved this award by commenting their blog.

5. Share the love and link to the person from whom you recieved this award.

Eg sender den videre til:

Vinterglede

2010-03-07T23:17:00.001+01:00

Eg var veldig lei av snøen her for ei tid tilbake men denne vinterferieveka har eg for første gang i historien følt meg som ein ekta nordmann.

Seks dagar på rad har eg vore på skitur og det var fantastisk kjekt.

Pusegutten. mannen min og eg har "snørt vår sekk og spent våre ski" og dratt ut for å kjenna vinden i håret, høyra det knitra under skia og kjenna smaken av puddersnø i munnen når eg låg der på håve i ei snøfonn.

Eg vaks opp i Sunhordland og der er det normalt lite snø. Far min var utlending og mor mi fabrikkeigardotter. Utlendingen gjekk ikkje på ski men gjerne på pub (lite pubar i Sunhordland) og fabrikkeigardottera var som resten av slekta opptatt av å skaffa penger. Kapitalistar går ikkje på ski... (jo nåken av dei e så rike at dei sikkert har tid til å gå på ski) Uansett eg har ikkje gått møkje på ski i oppveksten.

Men i år var det altså virkelig gode muligheter å forsøka seg i langrenssporet. Bergen har jo snøa fullstendig inne i år.

Me har kost oss i knallfine løyper, finare enn i Vancouver faktisk. Sol og snø, kaffi og sjokolade. Eg kjenner at dette kan eg lika...

And the winner is...

2010-03-01T23:59:00.001+01:00

I kveld har eg hatt trekking av 1 års jubileumet mitt. Eg skreiv navn på lappar og trakk i smug mens mann og barn var opptatt med kviling på sofa, playstation og Facebook.

Vinnaren blei... Lena i Hvit Linje! Gratulerer! Du er snart eigar av et knallfint Green Gate forkle. Kjem i posten ein vakker dag i neste veka cirka.

Lena har ein veldig koselig blogg. Hu skriver om alt mulig. Ta ein titt innom henna HER

Sånn gavetrekning var utrolig gøy! Det skal eg jaggu gjera igjen snart.

Til alle dåke som ikkje vant; bedre lykke neste gang.

Smil fra Løvetann

Livsstilsendring kanskje?

2010-02-25T23:10:00.000+01:00

Det høyres sikkert ut som Jacob Sande i "Etter ein rangel", ja den der han skal byrja et nytt og bedre liv. Men eg skal ikkje gå så drastisk til verks. Eg må berre gjera nåken små forandringar.

Eg e i uttgangspunktet ei slanke dama og til tider har eg vore direkte mager. Etter at eg fødte 3 ungar på 3 1/2 år såg eg heilt fæl ut og folk trudde eg hadde anorexi og bendelorm på ein gong. Men det er nå ca 15 år siden og ca 20 kg siden.

Eg trur ikkje du vil kalla meg feit, eg ser heilt OK ut, eg har for eksempel nå fått både rumpe, lår OG pupper (hurra!) Men eg har også fått litt mage og det e den eg vil ha vekk. Eg skal altså ta av 4 kg, og det burde ikkje være så veldig vanskelig.

Så for 3 veker siden bestemte eg meg for å gå på diett. Eg kjøpte inn masse ukeblader med ulike diettar og sette i gang med å lesa. Det var slank deg med meir fett, low carb-diett, slank med suppe, spis mindre-oftere og sunnere og tenk deg slank Joda, detta kom til å bli lett...

Eg tok litt av kvar diett og endte opp med å eta kvar 3 time, kutta ut ein del karbohydrater og ikkje minst kutta ut snop. Ja og så begynte eg tenka hardt på kor slank og fin eg ville bli.

Mandag morgen gjekk eg på vekta og noterte den i ein nyinnkjøpt notisbok. Nå skulle ALT dokumenterast. Første veka gjekk. Eg syntes eg var kjempeflink. Fredagen lot eg faktisk være å kjøpe den nye Stratosen med kvit sjokolade!

Mandag morgen nr. 2 og på vekta igjen. Eg fekk sjokk! Eg hadde ikkje tatt av et gram! Skuffa men fremdles ved godt mot tok eg fatt på neste veka og neste salat.

Denne veka var eg Oslo på kurs. Detta kurset inneholdt både mat, vin og ein runde i baren. Eg begynte å miste trua på nåke vektreduksjon.

Mandag nr. 3 nok ein gong veging. Nok ein gong 0 gram minus.

14 dagar uten snop er eg like feit og dobbelt så sur!

Nå er det berre å innsjå at eg må begynna å trena...

Kjære Gud nå er det nok...

2010-02-22T23:29:00.003+01:00

Det e nok nå, meir enn nok. Me har forstått at du kan laga vinter i Bergen òg.

Kanskje e det nåken som har bedt veldig hardt om snø i år? Nåken som ikkje skal måke eit heilt boliglag for eksempel? Men eg trur dei er fornyd òg nå.

Så vær så snill, gi oss litt regn, litt varmegrader og litt svart asfalt.

Du vett det finnes andre fine ting kvite ting òg. Snøklokker og kvitveis, vaniljeis og måkar. Kan du ikkje bytta ut snøen med detta?

Hvis nåken ber om meir snø så berre ignorer dei.

Med ønske om vår, Løvetann

1 års jubileum og sånn gavetrekning

2010-02-16T22:45:00.002+01:00

Eg sat og sutra øve manglande fantasi og bloggtørke i går kveld då eg plutselig oppdaga nåke. Eg har hatt 1 års jubileum uten å merka nåke.

Dette må feirast med ein sånn festlige gavetrekning som eg ser andre har hatt. Juhu, detta blir gøy!

Gaven må bli nåke fra Berthas Oldebarn. Og siden dåke elska Green Gate så har eg funnet denne blomstrete saken. Emmeline kan sikkert sei nåke om ka type mønster det er osv. Så spør henna hvis du lurer.

Og her er reglane for denna jubileumstrekninga:

Kommentar = 1 lodd
Link = 2 lodd
Følger = 3 lodd

Trekningen blir mandag 1. mars

Lykke til alle sammen!

Helg, igjen...

2010-02-13T19:58:00.002+01:00

Vekene går så utrolig fort! Før du vett ordet av det så e det fredag igjen. Eg trur eg begynna å bli gammal...

Løvetannmannen har kjøpt blomster som vanlig. Han elska blomster og kjøpe nye kvar helg.

Denne helga blei det nåke som eg trur blir kalla "Fattigmanns orkide" Dei pleier stå veldig fint i 14 dagar. Ikkje dårlig må eg sei.

Tulipanane spretter jo opp på den eine bloggen etter den andre. Her er mitt "bidrag" denne helga. Fint mønster på dei synes eg.

Kos deg i helga!

Muffins

2010-02-07T21:05:00.001+01:00

Pusegutten forlangte muffins i kveld og ka gjer ein ikkje for mamma sin lille prins?

Eg føler meg av og til som ei dårlig mor siden eg ikkje kan læra ungane å "røra smør og sukker kvitt, ha i et egg om gangen og røra godt mellom kvart egg osv". Eg må ty til Toro sine posar pga glutenallergien.

Eg kunne sjølvsagt ha laga med glutenfritt mjøl men resultatet blir så som så og Toro sine produkter er jo berre heilt topp.

Me hadde ein pakke sjokolademuffins, restar av nugat og dermed blei det muffins på 1-2-3

(vel, det var heller på 1-2-10 siden sikringane gjekk under steikinga. Dette huset er ikkje laga for ca 159 tekninske apparater som står på til alle døgnets tider...)

Snart mandag... Ha ei fine veka!

Award og utfordring

2010-02-02T18:55:00.006+01:00

Eg fekk denne fine awarden av Huset med det rare her om dagen. Og med awarden låg det ei utfordring. (There's nothing like a free lunch...)

Uansett, eg elska utfordingar for då får eg et påskudd til å skriva nåke. Ikkje alltid lett å komma på nåke glupt å blogge om.

Eg har fått ein lignade utfordring før, Då skulle eg skrive 10 ting om meg sjøl. Det innlegget finner du HER

Eg skreiv visst helst rare ting sist så nå får eg prøve å supplere lista med nåke fornuftig.

Eg elska kokebøker. Men er veldig dårlig til å bruke dei...
Eg er veldig dramatisk (i følge sjefen og min mann)
Eg er gal etter nøtter. Mannen min kallar meg ei "ikodna" (ekorn på norsk)
Eg har 2 ungar som har ein genetisk sjukdom.
Eg lika veldig godt å shoppa. Helst vesker og sko.
Eg snakka veldig møkje
Eg er vill etter tekniske dingser

7 ting om meg. Når eg ser over lista var det visst ikkje så møkje bedre denne gangen heller...

Eg ser at mange har fått awarden allerede. Hvis du har lyst på ein award så ligger den her...

Drama!!

2010-01-21T21:53:00.003+01:00

Eg fekk ny sjef for 3 år siden. På den første medarbeidersamtalen sa hu "Du er jo veldig dramatisk..."

"Å?" tenkte eg. Dette var nytt for meg. Eg var svært forundra og gjekk heim til mannen min og fortalt det til han.

Han snudde seg, såg på meg og sa "Ja...? Fortell meg nåke eg ikkje vett"

Resten av dagen var eg heilt forvirra. Her hadde eg rukket å bli 36 år uten at eg visste at eg var dramatisk. Og det værste av alt var at alle andre visste det!!

Her ser du forresten favorittfrukta mi: BLODAPPELSIN!

Blogg eller Facebook?

2010-01-17T23:36:00.005+01:00

Eg har alltid vore motstandar av Facebook. Har aldri forstått poenget med å ha 352 "venner" når dei fleste av oss berre har et titalls.

For nåken år siden fekk søstera mi Facebook og sendte meg ein venneforespørsel. Eg oppretta ein profil for å få slutt på maset og det var det. Det hendte at eg fekk mail om at ein eller kjenning fra fordums tid ville være venner med meg men eg gjorde ikkje nåke med det.

Så like før jul slo virkeligheten ned i pc'en min som ei bomba. Me fekk vita at nåken hadde laga ei hat-sida på Facebook om ein kollega av meg. Eg var sjokkert.

Eg gjekk rett heim og opna profilen på Facebook og la umiddelbart inn ein venneforespørsel til alle 3 jentene. Eg brukte et par dagar på å overtale dei til å ha meg som venn på Facebook. Litt lokking, luring og ein god posjon truslar om å stenge nettet på Jomfruloftet var ganske effektivt.

Nissar, lys og englar i alskens former på bloggen måtte nå vika for FB

Eg la nå til alle som ville være venner med meg og gjekk på profilane for å sjekke ut. Det var ein heller selsom opplevelse. Alle mine venner fra barndommen var blitt gamle, feite og hadde problemer med både førdøyelsen og anna. Eg gjekk og såg meg i speilet og kunne konstatera at det var mange år og mange kilo siden eg var "Sweet sixteen". Eg fjerna alle gamle venner.

Siden det har det berre balla på seg. Eg har nå 29 gode venner på Face som eg har lyst til å ha kontakt med og det blir stadig fleire.

Problemet er berre at Facebook tar tid og eg hadde lite tid til bloggen i utgangspunktet. Så då er spørsmålet kor møkje tid er de forsvarlig på bruka på dataen? Løvetannmannen begynna etterkvart å klaga. Her forleden kom eg dragande med både Emmeline, Solsikken, NIB-damene og X-antall kollegaer opp i senga. Eg fekk grei beskjed om at han var overhodet ikkje interessert i GreenGate, Riviera Maison, lys, blomar, talerkenar eller koppar når han gjekk til sengs...

Bildet er lånt fra nettbutikken til Riviera Maison

Til alle mødre og eventueller fedre der ute: Vær venner med poden på Facebook. Det er utrolig viktig at me voksne følger med på ungane sine aktiviteter enten det er fotball, friidrett eller Face.

Bye bye jul!

2010-01-08T08:04:00.001+01:00

Normalt sett ville eg ha kasta ut jula på søndag slik at den var borte til eg begynte på jobb igjen men på grunn av all snøen så fekk eg det ikkje til. Det er jo liksom så julastemning ute og julatreet var berre perfekt i år.

Uansett i går fekk eg plutselig nok. Det var berre så inni granskauen feil med alle dei nissane og englane som smilte imot meg då eg kom heim for å raska i samen nåken fiskakaker før alle fòr avgårde til kva dei nå skulle...

Det einaste som står igjen er amaryllisen. Den skal få lov til å stå.

Godt nyttår,alle sammen!

2010-01-04T00:17:00.001+01:00

Det var det. Nok et år er over og takk for det. Eg har overlevd sure ungar, stress på jobben, et heftig julabord og ikkje minst ein svulst i venstre bryst. Lika greitt å begynna på nytt.

Men 2009 hadde jo ein del positive hendelser òg. Me fekk ny peis, takvinduer på Jomfruloftet, jentene fekk egne rom då eldste jenta vår flytta ut, eg fekk nye og kjekke kollegaer på jobb og eg begynte å blogga.

Ka vil så 2010 bringa? For min del så håpa eg på et rolig og avslappa år. Ingen konfirmasjonar, ingen runde dagar og forhåpentligvis ingen begravelsar. Slekta begynnar å dra på åra nå så det er ikkje utenkelig at nåken av dei kjeme til å forlate oss i år.

Pusegutten har jo planlagt at me skal få oss hund i år, men eg veit ikkje. Kan bli kjekt men kan bli stress òg.

På interiørfronten har det skjedd ting i heimen. Løvetannmannen har skifta stil! Eg skal laga nåken innlegg om det berre eg kjeme meg på jobb igjen og får pause fra matlaging og snømåking.

Peisen og takvinduene skal selvfølgelig dokumenterast òg.

Vel damer, eg har ikkje vore så flinke å besøka dåke i det sista men det skal det bli forandring på i år. Einaste nyttårsforsettet eg har...

Smil fra din venn Løvetann

Redda Steffen, død eller levande!!!

2009-12-24T00:20:00.001+01:00

Søndags kveld, då det var skikkelig møkje snø ute gjekk Pusegutten og eg ned til butikken for å kjøpe søndagsgodt. (me hadde glemt lørdagsgodt på lørdag)

Nede i gata såg me ein liten katt som gjekk etter ei dama. Plutselig kom ein drosje som nesten kjørte på katten. Det blei veldig dramatisk og katten redda seg under ein bil med møjke strev på grunn av all snøen. Dama gjekk inn og me forsto at katten ikkje var hennas. Me gjekk bort og kikka under bilen. Katten sat der og skalv.

Me gjekk inn på butikken og der såg eg rett på et bilde av samme katten! Det sto at denne katten hadde gått rundt ute i området ei vekes tid nå og hvis ein savna katten måtte ein ringe et telefornummer. Eg bestemte meg for at hvis katten fremdeles var der ute måtte eg gjera nåke. Det skulle tross alt bli 10 minus om natta.

Då me kom ut fra butikken med søndagsgodtet fant me katten på hjørna med Tannlegehuset. Den mjaua så sårt og på tross av allergi så løfta eg katten opp og tok han med meg heim.

Då eg kom inn døra sa min mann at eg ikkje fekk lov å ta inn kattar når eg var så allergisk som eg var men han forsto raskt at detta var ein nødsituasjon og då får det berre våga seg med allergi.

Katten starta å mala straks han kom inn i hus. Han mol som han var galen, så glad var han. Pusegutten gav han mat og drikke og fant leiker og ei pute han skulle ligge på.

Eg sette meg straks med med pc'en og tenkte at eg måtte ringe Dyrebeskyttelsen som sikkert kunne komme å hente katten, men der tok eg feil. Der var sto det at dei får ca. tusen telefonar om bortkomne kattar kvar veka og berre kunne prioritere gravide og morlause kattar... Sukk. Eg kjente det begynte å klø i augene.

Eg var rådvill. Det er liksom ikkje så lett å finna ein heim til ein katt på ein halvtime. Eg måtte undersøke litt meir på sidene til Dyrebeskyttelsen. Det var mange gode råd om kordan ein skulle gå fram. Men dette hjalp ikkje meg nå. Eg fekk sjå inne på "Savna Kattar" Og der!! Der var det ei annonse om katten Steffen som var savna fra ein plass like i nærheten, og den passa perfekt til beskrivelsen. Eg greip telefonen og ringte. I andre enden svarte ein mann som blei veldig glad. Dette måtte være hans Steffen som hadde vore borte i over ei veka! Han skulle hive seg i ein drosje og komme.

Me koste med Steffen ei stund til og så kom ein ung og veldig glad mann. Visst var det Steffen. Han stappa katten inn i et bur, takka og gjekk.

Pusegutten og eg var veldig glade for at me hadde redda Steffen. Så tok eg Zyrtec, Spersallerg og tenkte at det blir aldri katt på oss. Men til sommare blir det kanskje hund...

(det er veldig vanskelig å fotografere kattar, dei ser jo aldri der du vil at du skal sjå...)

Hurra for kvite jul!

2009-12-20T21:00:00.001+01:00

I går snøa det som berre søren her! Eg var i sjokk og ungane var i ekstase. Veldig kjekt for oss som vanligvis har våt jul og som gjerne tar til takke med nåken sure sludd-filler for å komma i julestemning.

Løvetannmannen og eg skulle forsøka å kjøpa nåken julepresangar og gjekk for å ta bussen. Bussen kom veldig raskt. Flaks tenkte eg og hoppa glad inn. Inne på bussen lukta det rart. Svidd gummi liksom. På neste stopp velta røyken inn i bussen. Den hadde tatt fyr! Uflaks, tenkte eg og hoppa sur ut igjen.

I byen var det julastemning til tusen.

Shoppa litt og tok ein buss uten svilukt heim igjen.

3 sortar i boks!

2009-12-16T23:02:00.002+01:00

Då det ser ut for at Pusegutten ikkje har tenkt å bli sjuke denna desemberen måtte eg berre setta i gang med å baka i ettermiddag.

Ei av jentene hadde prøve i morgen og måtte lese til den (også kalt Facebook...) og hu andre skulle på Lagunen og hjelpe nåken kammeratar med å kjøpa julepesangar så derfor blei Pusegutten tvinga til å være med å baka.

Siden eg har glutenallergi må eg prøva å unngå mjøl så derfor kjøpte eg to pølser med ferdig kransekakemasse. Puseguttlen trilla ut pølser inn i ovnen i 8-10 minutt, Ferdig!

Så var det Sandnøtter ellet Potetmelstopper. Det er nåken veldig tørre men glutenfrie småkaker. Eg fant ikkje oppskrifta fra i fjor så eg søkte på nettet og fant ei som ikkje var heilt bra. Uansett, det blei nå kaker av det.

Til slutt måtte eg fram med mjølet. Har ei veldig god oppskrift på kakemenner. Knallbra deig for ungane å jobba med og du trenge ikkje bruka mjøl til utbaking.

Kvart år når eg står der med ørten brett med steikte kaker og berre har ei kakerist tekje eg at eg må kjøpa meg ei sånn rist i 3 etasjar som eg har sett i det festlige reklanebladet "Nytt og Nyttig". Men trur du det blir? Nei. Så då står eg der med kaker oppover øyrene og må finna all slags kreative løysingar i siste liten.

Det blir nok på samme måten neste år også.

Forandring på Jomfuloftet.

2009-12-12T19:00:00.003+01:00

Som nåken av dåke vett heiter loftsetasjen i leiligheten vår Jomfruloftet. Der oppe bur det for tiden 2 søte jomfruer etter at den eldste av jentene hardt og brutalt blei kasta ut i sommar... Hu trives forresten veldig godt i kollektivet men det er jo greitt å komma innom å få seg ein fiskemiddag i ny og ne.

Jomfruloftet besto i utgangspunktet av 2 soverom, et lite toalett og ei stor loftsbod. For 5-6 år siden bygde me nytt bad til dei og gjorde boden om til TV-stue. Og i dag ser det ut slik som dette.

Dusjhjørnet på badet

TV-stuen

Men det er ganske mørkt for jomfruene og om sommaren smelta dei og svettar seg i hel. Så planen har vore å få to store takvinduer i TV-stova så dei får både luft og lys.

Og nå er vinduene bestillt! To vinduer på 140 x 70 cm må jo bli bra. Håpa å få dei på plass til jul.

Julekakebakst.

2009-12-06T19:19:00.001+01:00

Kva einaste desember dei siste åra har Pusegutten vore sjuk ei veka og det synes eg er veldig praktisk. Då kan eg nemlig få bakt alle 7 sortane og nåken andre i tillegg.

Men i år ser det håplaust ut. Han vil rett og slett ikkje leggja seg ned. Eg tenkte jo at han kom til å få svineinfluensa, men nei. Så sat eg og venta på litt feber og sår hals men ikkje det heller. Omgangssykje er veldig stress men eg kunne jo ha baka litt mellom bøttene.

Nye dyrekakeformer fra IKEA

Nå er det ikkje sånn at eg ønker at Pusegutten skal væra sjuke men det var veldig praktisk.

I fjor hadde han feber og kunne ikkje gå på skulen men han var ikkje værre enn at han kunne væra med og laga både Serinakaker, kakemenner, vaniljesnittar og kokosmakroner.

Lurer på kordan det skal gå i år....

Adventskalenderprotest.

2009-12-05T00:42:00.001+01:00

Då ungane var små eg lagde eg 24 x 4 pakkar som eg hang opp på et kosteskaft. Det var et voldsomt arbeid og eg måtte jo begynna i august å samla på småting for å komma i havn.

Men så kom "Jul i Blåfjell" med ganske fine kalenderar og ungane syntes det var greitt hvis eg supplerte med ein sjokoladekalender eller nåke anna.

Men i år så blei det styr og protester. Eg syntes eg hadde gjort det bra då eg kom på å kjøpa ein Flax-kalender til kvar av dei. Enkelt for meg, spennade for dei. Jentene var fornøyd men Pusegutten var meir skeptisk. Mandags kveld kom han og sa at han kunne nå engetlig ha tenkt seg ein sånn med pakkar som kammeratane fekk. Eg prøvde å overbevisa han om at Flax-kalender var kanonkult og at han kunne vinna 500 000,- Han var ikkje veldig positiv.

Tirsdag morgen kom. Pusegutten sto opp med feil fot. Han var veldig sur fordi ikkje klærene matchet. Sokkane hadde feil farge og det går berre ikkje an. Så begynte han med ei hysteriske rydding av rommet sitt. Det var i følge han grusomt rotete og han klarte ikkje eta frokost før han han hadde fått orden på sakene.

Eg klarte omsider å få han inn for å skrape den kjempegøye Flax-kalenderen med det resultatet at han skrapte hull i heile kalenderen. Eg innsåg at eg måtte reise til byen etter jobb og kjøpe inn 24 ting til ein skikkelig kalender.

Ettermiddagen gjekk med til å pakke inn og fikse ny kalender. Fant ei gammal korg kor me samla dei 24 små og store pakkane.

Pusegutten var glad igjen og det var atter harmoni i heimen.

Tilbake til kvardagen igjen

2009-12-01T22:21:00.005+01:00

Lørdags kveld slo 2 grader celcius mot oss då me steig ut av flyet som tok oss heim fra ei fantastiske veka i Sharm el sheikh. Pusegutten, Løvetannmannnen og eg har virkelig kost oss. Dette var virkelig beste "syden" ever.

I og med at Sharm ligger heilt nede på spissen av Sinai-halvøya var det alt for langt til pyramider og sånn. Skal ein sjå det må ein ha 2 veker. Og me var vel enig i at strand, sol, sjø ikkje er å forakte heller.

Me bodde på Novotel Sharm el sheikh som ligger i Naama bay. Plassen og hotellet var topp. Rommet vårt var 200 meter fra stranda og temperaturen var behagelige 30 grader i skyggen og 25 grader i vannet.

Eine dagen var me med på Kamelsafari, for det hadde Pusegutten veldig lyst til. Eg som egentlig ikkje er nåke "sydenmenneske" tenkte at detta kom til å bli den pinligaste opplevelsen så lang dette århundre, og det blei det.

Sjå føre deg følgande:

Du blir henta av ei SUPERBLID guide-blondine-jenta, stua sammen med masse nordmenn på ein buss, må høyra at den SUPERBLIDE jenta leser feil opp av et manus som er sykt dårlig skrevet, du rir på kamel i 30 minutt, går opp et "fjell" som eg heller vil kalla et grustak. Ser sola gå ned. Så drikke du beduin-te, eter beduin-mat og dansar beduin-dans rundt bålet. Og så tar du bussen heim.

Ikkje heilt i mi gata. Men eg fant jo fort ut at melder du deg på kamelsafari så får du jammen være med på leken òg! Så eg var overentusiastisk, ropte "Ali Baba-group!", preika med dei andre norske og måtte berre kosa meg veldig! (ka gjer ein ikkje for at Pusegutten skal bli glad...?)

Og alt blei faktisk filma! Så då me kom heim i elleve-tida lørdags kveld måtte jentene og mor mi sjå 1 time med Kamelsafari på DVD! O happy day! Superstar på filmen var MEG. Jentene holdt på å besvima og meinte at eg var meir harry ein eller anna deltakar på "Charterfeber"

Men så var det søndag. Og ikkje hvilken som helst søndag heller, men den 1. søndag i advent. Eg kan lova deg at eg ikkje orka tanken på å henta fram stake, lys og stjerner...

Pusegutten var skuffa over min manglande entusiasme for advent. Eg foreslo Kamel-DVD men han var like sur.

Ein hund som kler meg...

2009-11-16T00:12:00.001+01:00

Skal eg ha hund skal eg jaggu ha ein som matcher. "Matcher ka då?" spør dei på jobben. Matcher meg og matcher leiligheten, selvfølgelig!

Hvis den skal kle meg må eg ha ein Cavalier King Charles Spanniel. Eg ser nett ut som ein sånn. Men min mann vil ikkje ha ein hund med lang pels, så det kan eg gløyma.

Hvis hunden skal matche leiligheten veit eg ikkje ka eg skal velga. Her er det så mange ulike stiler at det ikkje er råd å velge ut ein. Her er det nemlig både retro, shabby chic, english country, fransk landstil og Bergensk 50-tallstil. Den siste der e kanskje ny i Interiørbloggland? Vel, her i huset representera den alt som skulle vore fiksa som me enda ikkje har fått gjort. Nye dører for eksempel...

Uansett, hundealliansen har talt; det blir ein BEAGLE! Eg ser ikkje ut som nåke Beagle og ikkje vett eg om den kler meg og Supergastøvlane mine heller...

Siden den e ein gammal engelsk hunderase får eg kanskje satse på litt engelsk stil då framover?

Så er problemet, kor får me tak i den? Nåken i Blogglandia som vett om ein beaglevalp i Bergenstraktene?

Eg skal få meg... HUND!?!

2009-11-10T23:55:00.002+01:00

Den siste tida har det blitt lite blogg. Familien min har nemlig bestemt at EG skal få meg hund. Ja det vil sei, at DEI har lyst på hund og eg vett at det blir MITT ansvar.

Eg har aldri vore nåke hundemenneske. Eg elskar kattar men er veldig allergisk. Hundar derimot, nei.

Mannen min vaks opp med hundar men har aldri hatt hund i byen og meinar egentlig at det ikkje er passande heller. Men nå ser det jaggu ut for at han har endra synspunkt og har slått seg samen med hundealliansen...

Hundeskål fra hapoo.no

Det er klart at å vokse opp med dyr kan være veldig fint men samtidig er ungane våre på god vei ut av redet så eg kan ikkje rekna med å få nåke hjelp av dei. Vel, Pusegutten på snart 10 skal jo bu hima hos mama til han er 40...

På jobben har eg blitt kraftig mobba dei siste dagane. Eg har jo alltid sagt at eg ikkje skal ha dyr og nå sitter eg altså der å diskuterer ulike rasar.

Eg sitter derfor på nettet kvar einaste kveld og leita etter informasjon om valpekurs, dressering, fòr røyting og parring. Eg har også fått utvida ordforrådet mitt; nå veit eg ka det vil seie å få los.

Hundeseng fra IKEA. (Du hendelse!)

Det hadde sikkert vore koselig med ein liten fine valp men eg er i tvil. Veldig i tvil...

Nytt skap og et nytt og bedre liv?

2009-11-03T13:52:00.003+01:00

Ein av jentene vår, ho på 16 år, har definitivt ikkje arva faren sine ryddige gener. (eg seier ikkje meir...) Ho har stort sett alle klesplagg + alle sko ho eig liggande i ein haug på gulvet. Detta synes hu e ganske praktisk for då har hu bedre overikt over ka hu kan ta på seg når hu står opp.

Gammalt skap med mykje rot...

Men ein dag kom hu og sa at nå ville hu begynna et nytt og bedre liv. Berre hu kunne få seg et nytt skap ville alt ordna seg. Eg meinte at det måtte gå an å bruka det gamle, opprinnelige skapet som var bygd inne i veggen men nei, hu hadde funnet et passande skap på IKEA og det skulle hu ha.

Skapet kosta knapt 500 kr og hvis hu lova bot og bedring så greitt nok for meg.

Aneboda fra IKEA

Hu måtte montera det sjølv, like greitt å lære seg IKEA med ein gong tenkjer nå eg.

For eit system!

Resultatet blei bra. Og hu er faktisk veldig flink til å holde orden nå. Det er fleire gonger eg har sett golvplankane, og det er ikke lite berre det.

Halloween-gøy!

2009-11-02T10:50:00.001+01:00

Festen på lørdag blei bare knallkjekke. 9 gutter på 10-11 år koste seg i 3 skumle timer.

Me er så heldige å ha et skummelt tørkeloft og der dekka me på med ein blodrød duk, spinndelvev, galge i taket, dødningehode-confetti og diverse lykter.

Ein av jentene skar ut gresskaret og det blei veldig fint! Det var lett, billig og veldig effektfult.

Siden Halloween ikkje er nåke særlig populært hos bloggerane måtte eg få litt mattips hos nåken elevar eg tilfeldigvis snubla over. Dei foreslo fingrer med blod (pølse med ketshup) og slim med dyr (grønn gelè med plastikk-edderkopp) I tillegg fikk de sjokolademuffins og fruktspyd. Giftig alt samen...

Så satt dei der og åt giftige og ekle saker og hadde det riktig så trivelig mens heksa fortalte dei grusomme historier.

Så sendte me heile gjengen ut for lufting mens jentene og ein innleigd kjæreste gjorde seg klar i naboens loftsbod. Her hadde me plassert eit skjellett i 1:1, godtdeposane sto klar og jentene låg under svarte laken.

Gutane var ikkje høge i hatten då dei skulle innn til "Gamle Rasmus" For å henta snopet.

Etterpå var det film og så Good Bye!

Ein meget vellykka kveld!

Halloween-tips.

2009-10-30T22:53:00.001+01:00

Halloween var ein tragedie i fjor her i heimen. Eg sto på mitt og nekta å gi etter for "framandtradisjonen" og resultatet var at Pusegutten kåra meg til århundrets dårligaste mor. Då kvelden kom følte eg meg som ein muslim i tjukkaste adventstida og det hjalp ikkje at eg tilbaud han både brus og snop.

Så sist mandag morgen kom han og sa at på lørdag skulle han ha Halloween-party og EG skulle laga det! Ja ja tenkte eg og heiv meg rundt, skreiv invtasjonar og stappa i sekken før han gjekk på skolen.

Onsdag var eg på Nille og kjøpte masse plastikkgreier, i dag har me fått tak i et diger gresskar og i morgen skal eg henta et skjellett fra et Naturfagsrom.

Men så var det maten. Ka skal eg laga? Eg har leita på nettet men alle amerikanske oppskrifter er så spesielle og ikkje nåke fristande seier Pusegutten.

Er det nåken som har tips til kule, skumle og gode oppskrifter?

Kor blei det av Herbal Essences?

2009-10-26T17:35:00.001+01:00

Den siste tida har eg lagt merke til at i hylla der shampoen og balsamen "Herbal Essences" sto er det kommet et nytt merke som heiter "Just Glow"

Skummel nykommar

Eg har et stort, langt og krøllete hår som berre fungera samen med store mengder rosa Herbal så derfor blei eg nåke urolig over nykommaren. Eg tenkte kanskje at Herbal hadde fått nytt navn og innpakning, for fargen og konsistensen var lik, så eg kjøpte ei flaska og testa ut. Det var definitivt ikkje Herbal.

Gamle gode Herbal

Eg tok føre meg butikkane i nabolaget uten hell. Herbal'en var og blei borte. Eg spurte den kjekke mannen på butikken min om han visste nåke, men nei. "Det er Oslo som bestemmer alt veit du. Me har ikkje noko me skulle ha sagt" var svaret.

Neste forsøk var internett. Kanskje dei skulle komma i ny utgave og at det blei et opphold i produksjon mens dei laga dei nye fine flaskene? Eg søkte og fant: dette som er flotte sida med masse fine og kule Herbal produkter. Men det sto ingenting om Norge der.

Det sto forresten inne på diverse diskusjonsforum at det var silikon og masse anna uhumskheter i Herbal. Eg har ikkje merka nåke effekt av silikon. Iallefall ikkje der eg kunne trenga den...

Så nå veit eg ikkje. Er det nåken andre som veit?

Supre Superga!

2009-10-20T18:35:00.002+02:00

Vett du at de går gjetord om støvlane mine i Blogglandia og sikkert store deler av byen eg bur i òg! Det er bare SÅ utrolig morsomt.

Eg var inne hos Hege på Berthas Oldebarn på fredag for å diskutere kor UTROLIG fantastiske støvlane er og kordan eg bør vedlikeholda dei. Då kunne søte Hege fortelja at den samme morgenen hadde det kommet ei dama eins ærend med bussen fra ein anna kant av byen berre for å få tak i et par Superga. Hu hadde lest om støvlane mine på bloggen og fant ut at dette var støvlane for henna. Kanskje har hu gått gjennom samme prosess som meg eller kanskje samlar hu på støvlar og mangla Superga i samlinga si. Kven veit...

Er ikkje dèt supert, så veit ikkje eg.

Hege var iallefall veldig fornøyd med dagen og det var eg òg.

Pakke fra Kalimera.

2009-10-18T20:00:00.001+02:00

Her forleden fekk eg pakke i posten fra Kalimeras netthandel

Det var et fint dørskilt, en nydelig boks med Audrey Hepburn og ein veldig morsom værstajon.

Dørskiltet er på plass på døra, boksen blei busrdagspresang ca. 3 minutt etter at den blei pakka ut men værstasjonen har eg ikkje plassert enda.

Lurer på om eg skal henge den på altanen eller kanskje i gangen. Pusegutten sa det gjekk ikkje an å hengen den i gangen, det er jo ikkje vind der.

Endelig regn!

2009-10-16T07:52:00.003+02:00

Ja eg veit at det er som å banne i kirka å be om meir regn her i byen men i går då eg vakna var det NESTEN regn ute. Tåka var så tjukk at då eg sykla til jobb så blei brillene mine våte og då mena eg heilt klart at det kan definerast som regn.

Vel, eg tok på meg mine nye, supre Superga og dei sat som et skudd!

I går kveld regna det skikkelig men då gadd eg ikkje gå ut...

Little shop... del 2

2009-10-12T08:23:00.001+02:00

Etter at eg kom heim fra den fatale turen til horrorstøvelbutikken var eg så sur at eg gjekk for å kjøpe nåken nye gardiner.

Etter at det var gjort gjekk eg innom Berthas Oldebarn for å kikke litt. DÅ såg eg dei! Flotte svarte støvlar! Eg fòr bort og greip tak i paret. Flott gummikvalitet (husk eg var blitt ekspert nå...) kult merke og fin utforming. Eg heiv av meg skoene og tok dei på. Og for ein følelse! Ikkje for stiv, ikkje for slapp, ikkje sjokkrosa og ikkje kvelerslange.

Mens eg sto der kom ei søte og smilande dama bort til meg og spurte om eg ville ha hjelp. Eg blei så glad at hu fekk heile horrostøvelhistorien servert. Eg la ut om krampe og preglause damer og sugestøvlar. Hu lo litt og sa at hu måtte innrømma at hu hadde Ilse sjøl og var veldig glad i dei men at dei var nå litt tunge kanskje.

Men kunne hu gi meg info om superdeiligepå-støvlane? Jo, litt kunne hu men hu måtte innrømma at hu hadde ikkje prøvd dei. Dei heiter Superga og var italienske. Det var ikkje nåken andre i byen (og kanskje landet òg) som importerte dei, så hvis eg valgte desse støvlane så kom eg til å bli UNIK. Hege fra Berthas hadde gått inne på butikken med dei ein heil dag uten å merka at hu hadde dei på, SÅ behagelige er dei. Det var egentlig nok for meg. Ei ærlige og smilande dama kan eg lika.

Vel, eg betalte med glede og sykla glad og fornøyd heim med ei ganske stor og uhamslig skoeske på styret.

Då eg kom inn døra blei det glede i heimen. Nå var mor glad igjen, he he! Støvlane måtte prøvast og visast fram til heile familien. Alle syntes dei var dødskule og jentungen på 16 syntes eg var skikkelig rå i bootsene!

Prøvde å Google dei, men fant ikkje ut så møkje.

Så nå sitter eg berre å venta på regnet. Trur du ikkje at det skal være knallfint vær heile veka! Typisk...

PS Takk søte Bertha-dame! <3

Little shop of horrorstøvler...

2009-10-10T23:57:00.007+02:00

I dag tok eg med meg ein av jentene for å shoppe diverse til henne og for å prøve og sikkert kjøpe nye støvler til meg. Me kjøpte både det eine og det andre til henna og etter at eg hadde gitt henna 2 fiskekaker var me klar for å kjøpe støvler.

Me gjekk inn på Lille Vinkel Sko som ikkje heiter det i denna byen men Walkabout. Beklager villedningen i forrige innlegg.

I butikken var det ganske mange folk, dei fleste var fruer med dyre lakkvesker og større kontoar enn min men ka søren, her skulle det shoppes. Eg strena bort til støvlahylla og plukka ned et par Hunter og et par Le Chameau.

Dei franske hadde flott gummikvalitet. Eg prøvde dei på og det satt som støpt. Ja himmel og hav kor støpt dei satt! Eg prøvde å få dei av uten hell. Jentungen begynte å le men eg berre freste til henna. Eg prøvde og dra, å slite og å skubbe dei av med den andre foten men ikkje kul om dei rikka seg. Då fekk eg krampe i låret. Svarte katten kor vondt det var! Dei franske aristokratstøvlane hadde gitt meg krampe av alle ting. Ikkje rart forresten, eg hadde stappa beinet oppi str. 37.

Eg fekk dei nå av til slutt og tok på Hunter. Dei sat fint på men gummien var stiv og glatt og kanten på støvelen skar meg inn i knehasen. Drog dei av meg. Eg kjente eg var blitt sur og måtte ha hjelp.

Kikka rundt i butikken og prøvde å finne ekspeditørane. Til slutt lokaliserte eg ein av dei, hu såg ikkje veldig motivert ut. "Jobber du her?" spurte eg "Ja...?" var svaret. Eg vifta men ei fransk og ein skotsk støvel (Hunter er skotsk) uten å få respons. Eg hadde nå forventa at dama hadde ovrerøst meg med info og at all slags størrelser men nei. "Eg vil gjerne prøve desse støvlane i RETT størrelse" sa eg lettare irritert. Hu snudde og gjekk for å henta nåken i nr. 39.

Eg fekk dei og prøvde først Le Chameau. Dei satt som støpt... Dei saug seg faktisk inntil leggen min og blei ett med meg . Ein merkelig følelse. Tenk deg at du har ein kvelerslange rundt beinet så har du følelsen. Eg fekk dei av meg i ein fart, uten krampe denne gang.

Så var det Hunter. Dei var knall rosa og hadde ein fleece-sokk oppi. Eg tok sokken ut og støvlane på, dei var ikkje gode på. Stive og ekle. Eg tok sokken oppi støvelen og prøvde å ta beinet nedi; sokken krølla seg som ein klump nede i støvelen og eg kom ikkje oppi. Eg var nå ganske sur. Eg tok sokken utav og tok den på beinet og stappa sokk+bein oppi - det gjekk bra. God og varm. Eg tok beinet utav støvelen og sokken av, den svarte dongeribuksa mi var nå kvit av fleecestøv! Eg holdt på å spy!

Dama kom nå bort og spurte med ei preglaus stemma "Finner du ut av det?" Eg svarte "Nei, faktisk ikkje!" Eg tok med meg jentungen og gjekk. Uten stive skottestøvlar og franske sugestøvlar. "Du skal ikkje prøve di dærre sossekjerringstøvlene då" spurte jentungen. "Nei!" var svaret.

Heime var eg sur.

PS Hvis dama fra butikken les dette så hadde du sikkert hatt ein skikkelig drittdag med sure kvinnfolk med alt for tjukke legger...

Ilse vs. Hunter vs. Le Chameau

2009-10-10T00:44:00.002+02:00

Her om dagen fekk eg litt penger av far min (forsinka bursdagspresang) og eg tenkte eg skulle kjøpe meg nye støvlar for dei eg har er det hull i. (stygge, grønne Viking)

Og då er frågan - ka i all verden skal eg velga? Halve byen har jo Ilse Jacobsen men nå er Hunter på god vei inn ser eg.

Eg svippa innom Lille Vinkel Sko for å sjekke ut Hunter, då eg oppdaga et anna støvlamerke, nemlig Le Chameau. Eg syntes vel egentlig at det var litt for møkje bondegårdspreg øve dei franske støvlane og gjekk på kafe lika forvirra.

På kafeen spurte eg jentene kan dei syntes om Ilse og Hunter, og fekk 3 forskjellige svar:

Jentunge 18 år: "Kor mange har Ilse på jobben? Er det flere enn 3 stykk velger du Hunter"

Jentunge 16 år: "Oh my god! E du blitt sånn wannabe sossekjerring? Ja, for husk sossekjerring blir du aldri, du tjener for dårlig! Kan eg få nye støvletter forresten? Eg har sett nåkken kule på DNA. Kan eg?"

Jentunge 15 år: "E de laget av dyr? Hvis ikkje velger du den billigste. Koffer får ikkje eg hund?"

Etter endt kafèbesøk var eg like forvirra.

I morgen er planen å prøve ut. Har du nåken sysnpunkt på ka eg bør velge?

PS På nettsiden til Lille Vinkel Sko står det at hvis eg vil være heilt kanonkul bør eg velge Le Chameau...

Rosa sløyfe

2009-10-06T23:02:00.001+02:00

5 desember 2008 fekk eg beskjed om at legene hadde funnet ein svulst i det venstre brystet mitt. Pga diverse komplikasjoner blei eg ikkje operert før den 4. juni 2009.

Det var 6 svært lange månader.

Støtt Put it in a box. sin vesle private aksjon.

Det var ikkje min tur denne gang men eg har ingen garanti....

Glutenfri eplekaka

2009-10-05T00:01:00.004+02:00

Som vanlig er eg siste mann ut, denne gangen med eplekake. I veka som gjekk har mange blogga om eplekakene sine. Emmeline har aprikos på si kaka, Silje er usikker på steiketiden og Prinsesse Elin har laga eplepai som ser veldig god ut. Men ingen av bloggedanene har laga GLUTENFRI EPLEKAKA. (trur eg...)

Eg fekk konstatert glutenallergi for 6 år siden og etter det har det blitt lite kaker på meg. Glutenfri bakst er stort sett tungt og tørt så nå tar eg meg heller ein sjokolade hvis eg MÅ ha nåke.

Men så for nåken år tilbake begynte Toro å laga kake-i-pose for å letta på tidsklemma til alle foreldre med ungar som skal ha med kake ein eller anna plass. Og vett du, fleire av dei er faktisk glutenfrie og faktisk gode. Knallgode! Ein kan jo kjøpa dødsdyr og dødsdårlig amerikansk muffinsmix og pannekakemix f.eks, så derfor var Toro sine produkter ein kjærkommen nyhet i heimen.

Min favoritt er Toro Lyse Muffins. Den bruka eg som basis til alt. Eg laga deigen med 1,5 dl vatn og 1 dl solsikkeolje eller smelta smør og slenger den i ei smurt kakeform. Så er det berre å ha oppi det ein har for handa; epler, banan, alle typer bær (gjerne fryste), sjokolade, nøtter, gulrot og krydder. (nei, ikkje alt på ein gong...)

Kaka blir saftig og god og held seg godt i nåken dagar.

Vel, fredag var det kakesalg på skulen til ein av jentene og Pusegutten og eg meldte oss frivillig til å bake.

Røra blei laga på 2 minutt, formen smurt og oppi med deig og epler. Eplene legges i det klassiske "epler i sirkel"-mønsteret, på med masse sukker og kanel. Inni ovn på 200 grader i 25-30 minutt.

Løvetannmannen fekk kokvarm eplekaka med is til kaffien. Deilig!

Sjølvsagt er heimelaga absolutt best men for alle oss "glutenfrie" er Toro lykken på jord.

Hos Berthas oldebarn

2009-10-01T10:00:00.001+02:00

Her om dagen var Pusegutten og eg innom Berthas oldebarn. Hu har så utrolig møkje fint og hvis eg skal ha ein spesiell presang så går eg alltid der.

Pusegutten er i likhet med faren ein racer i shopping og ville ha både det eine og det andre.

Me endte opp med ein knallfine O som han skal få ha på døra si.

Egypt i november!

2009-09-27T14:39:00.021+02:00

I september har det berre vore 3 dagar med oppholdsvær i Bergen... Eg berre nevner det.

Så nå e det klart. I november reiser mannen min, Pusegutten og eg til Egypt. Jentene får ikkje være med denne gang, dei skal på tur sjøl litt seinare.

Me reiser til Sharm-El Sheikh og skal bo på et fint hotell på stranda i Naama bay.

Eg lure på om nåken har tips til turen? Pusegutten vil sjå pyramider, kor gjere me det? Gode restauranttips? Gode handletips? (sko og vesker....?)

E du gla' i meg?

2009-09-07T22:40:00.009+02:00

Ein kveld etter at me hadde lagt oss sa eg "Du seie aldri at du e' glad i meg lenger!"

Mannen min sukka tungt og sa "Vel, det e' nå ikkje alltid lika lett å komma til ordet..."

Award med noko attåt.

2009-09-06T23:20:00.003+02:00

Fekk denna awarden hos hyggelige Helen i Kalimera Blog. Men det ligger nåken betingelser ved denne awarden . Nemmelig å skrive 10 ting om seg sjøl.

Ka skal eg så velga? Kule fakta? Vanlige, men passelig interessante ting? Utleverande og "farlige" ting?

I og med at det kan bli vanskelig å finna 10 furnuftige ting å skrive blir det nok ein god blanding.

Eg blei sjekka opp av ein begravelsbyråagent då eg var 19 år og høygravid

Eg elskar sjokolade.

Eg har egentlig praktisk sans lik null.

Eg er gal etter vesker og sko. Eg pleier å trykke dei nye skoene i et blomsterbed for at mannen min ikkje skal oppdage at dei er nye. Lurt triks. Det virka faktisk bra.

Eg blei norgesmester i korsang 2 ganger og europamester 1 gang.

Eg fekk 3 barn på 3,5 år. Pusegutten kom 6 år etter.

Eg er veldig aktiv og ernergisk. Nåken av kollegaene mine meinar eg har ADHD.

Eg sender ca 1000 sms i måneden.

Eg snakka VELDIG mye.

Eg elskar å reise. Skulle gjerne hatt mye meir penger å bruke til det.

OK folkens, det var litt om meg. Sender awarden videre til alle som enda ikkje har fått den.

Monsterbursdag

2009-09-04T14:25:00.001+02:00

Mandag hadde eg bursdag igjen. Løye kor fort åra går. Vel, me hadde bestemt oss for ei lita feiring på søndag siden ingen har tid til nåke på ein mandag.

Eldste dattera vår skulle komme ned om ettermiddagen på middag, kaffi og kaker. Mannen min hadde shoppa med ungane dagen før og Pusegutten hadde i all sin høylydte hemmelighet laga kort til meg på rommet sitt.

I 15-tida satte eg kalkuna (nei, ikkje ei heile ei...) i ovnen og gjorde klart poteter og tilbehør. Eg hadde ikkje før fått fuglen inn så kjeme ei av jentene ned og seier "Mamma, eg tisser blod og eg har ikkje mensen" Hu gjekk krokete av smerter så det var berre å hive seg i bilen og kjøre på legevakten.

På legevakten var det som vanlig stinn brakke men me tok det med godt humør. Me flirte og lo av alle dei merkelige folka som kom og gjekk. Ein eldre kar gjekk rundt og spurte folk kor lenge dei hadde venta og dei fleste hadde nå vore der nåken timar. Han var overbevist om at me kom til å sitte der til jul. Minst. Han lo og fortalte vitsar om helsevesenet i Norge og me andre lo med han. Vittig type.

Kl. 18 kom me innefor. Her me satt og venta til kl 19. Nå sat me i et lite rom aleina så me hadde berre kvarandre å le av.

Så kom legen. Han var rask som berre det. Og hadde ein veldig rar dialekt som me kunne le møkje av etterpå. Både eg og jentungen elska kule og rare dialektar. Eg har jo den raraste seie hu så eg må tole møkje etteraping.

Apoteket neste. Me parkerte i parkeringshuset og jentungen som nå hadde feber blei sittande i bilen. Eg fôr inn for å henta medisin, det tok sin tid.

Heime var fuglen nå steikt og spist. Me var dødssulten.

Rett rundt kl 21 kom eg, trøtt som ein sokk, opp i bilen heiv meg inn og vrei om nøkkelen. Ingenting. Hm, tenkte eg. Det var rart at ikkje den vanlige brummelyden kom. Vrei om ein gong til. Nada. Det var då eg kjente at det brandt i rumpa mi! Jentungen, med feber hadde hatt varmeapparatet og setevarmerane på og batteriet var dødt! Dau som ei sild! Eg hadde berre lyst til å legga meg ned og daue eg òg.

Vel, eg ringte NAF Veihjelp som var like rundt hjørnet og skulle komme raskt som berre det. Men tida gjekk og me blei meir og meir trøtt og sulten.

Kl fem over elleve kom dei. Dei gav bilen støt med startkablene og det var det. Effektivt og greitt.

Me tutla oss heim.

Heime glefste me i oss litt kalkun og eg fekk presanger.

Mandag morgen; ingen huska at mor har bursdag, eg var lika glad...

Leoparden Carlos

2009-09-01T00:15:00.011+02:00

Sommaren er heldigvis slutt. Det har vore ein slitsomme sommar med møkje styr og lite ferie.

Som dåke vett e bloggen min hemmelig så derfor er det vanskelig å blogga i ferier men nå er eg altså tilbake. (ja problemet nå er at jobben tar så jyslig med tid...)

Anyway, då eg sette meg i ro og mak ned med pc'en på jobb såg eg til min store overraskelse at eg hadde fått ein ny følgar siden sist! Og det var intet mindre enn ein leopard som hette Carlos! Eg blei jo veldig forundra for dei 8 andre følgerane mine er damer i ymse aldersgrupper som lika puter, kvitmalte stolar og ripsbærsbuskar.

Eg klikka meg innpå leoparden og fant ut at han hadde 3 bloggar, ein om fortball, ein om flagg og penger og ein om ender og andre eksotiske fuglar. Gjett om eg blei forundra. Det var ikkje ei puta å sjå, ikkje ein polkadott og heller ikkje oppskrifter på sjokoladefondant.

Eg har ikkje brukt møkje tid på leoparden Carlos men eg er nåke forundra øve at han er der fremdeleles. Eg tenkte han kom til å forsvinna fort, men nei.

Så nå lure eg på - kim er han, kor kom han fra og ka vil han? Ikkje e eg så stive i sånn utenlandsk heller...

Er han interresert i ungar som flyttar på hybel? Ka med taxisjåførar og tur i skogen? Forstår han språket? Kan han lesa sunhordlandsk?

Eg fant ingen spor etter meg sjøl på dei 3 bloggane te leoparden. Kanskje han e ein lurebloggar? E bloggardyr pålitelige? Leopaardar kan både klora og bita...

Dette og meir lurer eg på. E det nåken der ute som kan gi meg svar?

På hybeljakt

2009-08-26T23:10:00.002+02:00

Det var altså bestemt at dattera vår skulle studere her i byen og me håpte sterkt på at hu fekk seg ein hybel på et av studenthjemmene. Dvs EG håpte sterkt på det. Hu derimot var veeeldig skeptisk. Hu hadde nemlig hørt at det kunne være både kakkelakkar og maur og allslags anna skummelt på sånne heimar. Eg prøvde å overbevisa henna om at det sikkert ikkje var meir utøy der enn bak senga hennas.

Så ein dag kom svaret. Og Hipp Hurra! Hu hadde fått plass på et studenthjem 10 minutt med buss fra oss. Eg var srtålande fornøyd. Ikkje for langt av gårde men alikevel på egne bein. Eg heiv meg rundt og betalte depositumet i ein fei.

Men jentungen hadde tusen gode grunnar for ikkje å bu der. Hu kjente ingen, hybelen var for liten, udyr på felles badet, skumle ingredienser på kjøkkenet osv.

Den vanligvis så åpne og positive ungen var blitt veldig skeptisk til alt og me kunne liksom ikkje forstå det. Men ein dag kom forklaringen...

Omtrent et døgn etter at eg hadde fått beskjed om at eg ikkje hadde brystkreft kom hu sigande inn på kjøkkenet. Og skulle snakka med meg.

Hu prøvde så godt hu kunne å pakka det inn men faktum var at hu ikkje fekk godkjent to av fagene pga for høgt fravær. Eg kunne sikkert satt himmel og jord i bevegelse og lagt inn protestar både her og der men når ein har prioritert kjæresten framfor skulen så får ein vel berre ta konsekvensene.

Vel, det var berre å sette igang med å sei opp studenthybelen og gi seg ut på det spennande private markedet... Jentungen var fremdeles meget negativ til flytting men dei to i midten trua med både det eine og det andre hvis ikkje dei fekk overta rommet snart.

Etter ein telefonrunde satt me igjen med 6-7 aktuelle hyblar og jentungen og eg heiv oss rundt.

Det blei ein meget interessant studie av interiør og støv. Eg har vel aldri vore inne i skitnare, meir rotete og støvete hus. Hybelbuerar ryddar ikkje, dei vaskar ikkje og dei har ein ekskremt dårlig smak.

Ein av plassene me var på visning blei me møtt av ein kjempehyggelig mann på ca 25 år. Han viste oss stolt rundt i det skitnaste huset eg nåken gang har vært inne i. Heile tida snakka han om at den som skulle leige hybelen måtte selvsagt være reinslig og villig til å ta del i felles plikter gjøremål. Inne i stua var det dottar med kattehår over alt. "Ja me har ein katt og den røyter veldig akkurat nå" sa den unge, hyggelige mannen og la ein digerg lodott på den brukte tallerken sin. Eg trudde eg skulle besvima. Så jentungen og eg rygga ut og sa smilnde at me skulle ta kontak, vær du sikker.

Ein anna plass spurte eg husverten om komfyren var rusta på toppen? Men neida. Det var nok ikkje rust, berre resultatet av et år med steiking og null vasking.

Nåken plasser var det ikkje skittent men berre ekstremt dårlig/eksentrisk stil. Hybelbebuerar er ikkje så nøye på det...

Siste plassen kom me inn i et ganske stor, lyst og ikkkje minst reint rom. Det var ein to-mannsbolig som var gjort om til et kollektiv for 6 personer. Dei skulle dele kjøkken, stue og 2 bad. Husverten virka veldig grei og seriøs. På visningen var det også ei kjempesøte jenta på samme alder som dattera vår. Me skreiv kontrakt på stedet.

Etter dette har det gått slag i slag, IKEA, Kid, "nei, du kan ikkje få sengeteppe fra Green Gate" og x-antall turer opp og ned med bilen.

Så var det jobb. Det blir i kassen og bakeriavdelingen på Meny. Heilt greitt, seie jentungen. Men berre fram til jul. Då er planen å begynne på studier. Me får nå nett sjå.

Og kollektivet? Det er heil topp! Hu stortrives sammen med 4 andre jenter og ein gut. Og så er det berre 4 minutt og 28 sekunder å gå heim til plaster, heimelaga saft og svinesteik på søndag...

P.S Til alle ryddige, reinslige hybelbuere med god smak og stil: Eg vett at dåke finnes men eg har ikkje funnet dåke enda...

Å hiva ungane ut av huset.

2009-08-04T12:00:00.001+02:00

I vår var den eldste av døtrene vår ferdig på videregående skole og det innebar at ein ny epoke av livet vår tok til, nemlig den der ungane flytta ut av huset.

Heile hausten hadde hu trua med at når hu blei 18 år så var det over og ut, hu skulle flytte. Me prøvde å sei at det kanskje kunne være OK å venta til hu var ferdig med videregående, men nei. Hu skulle ut. Så kom 18 års dagen og det blei stille når det gjaldt flytting. Hu var fremdeles sur på oss fordi me var så teite men flytting var nå plutselig et ikke-tema.

Våren gjekk og hu hadde lite planar om ka hu skulle gjera når skulen var slutt. Eg og mannen min foreslo både studier eller et friår med jobbing men ingenting var av interesse. Hu ville berre driva med teater, aller helst på Nationalteateret eller Den nationale scene, men rollene der vokser ikkje på trær.

Etter mye om og men og ikkje reint lite grining og frustrasjon fra dattera vår søkte hu på nåken høgskoler og universitet. Eg sa at nå måtte hu tenke på å finne seg ein hybel og flytte ut og då begynte familiens største krangel, ever.

Hu ville ikkje flytta. Det var grining, hyling og skriking. Me brydde oss ikkje om henna og var utrolig stygge.

La meg nå komma med litt faktaopplysninger. Me bor i ein 5-roms leilighet som er ombygget til en 6-roms. Jentene, i alderen 15, 16 og 18,5 år har egen etasje med bad, tv-stue og 2 soverom. (også kalla Jomrfuloftet.) Det betyr at dei to på 15 og 16 deler rom og det er ikkje festlig å være 16 år og ligge øverst i etasjesenga når du har kjæreste...

Pusegutten på 9,5 år bur i 1. etasje med mamma og pappa og der skal han bu til han er 40 år
og kosa med mamma kvar dag. (Jentene spyr og himla med augene når eg seier detta, he he!)

Derfor har planen vært at dei to i midten skulle få hvert sitt rom når eldste jenta var ferdig med vgs. Nå sto dei altså klar med malingsspann og berre venta på å få Eget Rom.

Med ein grinande og to overivrige døtre var det ikkje så lett å vita ka ein skulle gjera. Eg snakka med venninner, kollegaer og naboer for å få råd. Skulle eg la henna bo heime et år til, og få dei to andre på nakken, eller skulle eg regelrett hiva henna ut?

Reaksjonane og rådene var tre-delt. Dei som hadde ungar under skolepliktig alder syntes eg var et monster og meinte eg burde sperrast inne for livstid, dei som hadde ungar over skolepliktig alder syntes at ungen måtte ut enten hu ville eller ikkje. og dei som ikkje hadde ungar bestemte seg raskt for at dei aldri skulle ha ungar og gjekk til innkjøp av uante mengder med preventiver.

Vel, på tross av mange gode råd så satte eg altså i gang prossessen med å få henna ut. Eg søkte på studenthyblar og drog henna med på visning på det private marked for å få henna til å sjå kor UTROLIG GØY det kom til å bli.

Og du hendelse kor mye rart me fekk sjå! Eg var egentlig i sjokk...

Ny faktaopplysning: Eg er egentlig ikkje så veldig ryddig av meg men har derimot ein mann som er heilt ekstremt ryddig. Han vaska, rydda, ordna, flytta og plassera som bare dèt. Og 20 års samliv med han har satt sine spor. Derfor har me det ganske strøkent her i huset. Unntaket er Jomfruloftet kor min mann ikkje setter sine bein med mindre det brenner.

Eg har denne sommaren funnet ut at hybelbeboere er ein egen rase. Eg har lært litt om vasking, husdyr og ikkje minst interiør.

Følg med i neste blogginnlegg...

(bildene er fra turen til Skottland i vår)

My boobes are OK.

2009-07-01T23:20:00.001+02:00

Då eg kom heim fra hospitalet sist mandag kveld hadde jentene laga kake til meg.

Måtte le. Dei hadde altså laga to diger sjokoladekakebryst og skrevet "Your bobes are OK"

Og det var dei jo heldigvis. Eg felte ei lita tåre av lettelse då eg gjekk fra Hospitalet, forhåpentlig vis for siste gong...

På tur... i skogen.

2009-06-17T09:55:00.000+02:00

Då eg var over i Tigerstaden fant eg ut at eg skulle gå meg ein tur. Vanligvis når eg går på tur så er det rett opp. Det er berre sånn det er her på Vestlandet.

Ein kollega, som har ei søster som bor på Nøtterøy, fortalte meg ein gong at i Oslotraktene går dei ikkje på tur på fjellet men dei går i Marka eller Skogen.

Eg kikka litt på kartet mitt og fant ut at eg kunne gå fra Gaustad til Sognsvann på ein skogsvei.

Og for ein fine opplevelse det blei.

Ikkje blei eg svett og varm, eg kunne gå i sko som passa til antrekket (veldig viktig...) eg slapp å ha håret i hestehale. (Hata hestehale for eg ser ut som Diana Ross på ein dårlig dag når eg tar strikket ut.) Dette var rett og slett vidunderlig!

Første stykket av veien gjekk gjennom ein nydelig skog.

Det klukka fra elva og fuglange song som gale. Det lukta varm og tørr skog.

Så gjekk me på ein grusvei opp til Sognsvann. Vannet og området rundt var svært idyllisk hvis du ser bort fra eimen av eingangsgrill som låg tjukk som tåka. Omtrent som på Ulriken ein morgen i oktober.

Så gjekk me tilbake til Hospitalet kor me åt ein deilig middag. Slapp å dusja først, kunne bruke samme sko uten å vaske dei i vaskemaskinen og ikkje minst - eg var like fin på håret.

I en sal på hospitalet...

2009-06-15T10:50:00.003+02:00

...hvor de hvite senger står. Ja eg er tilbake igjen fra hospitalet og det var jaggu godt å komma seg der ifra. Blei heilt nedbrutt av å være omgitt av alle dei svært sjuke menneskene.

Men det har vore ein interessante veka. Eg har fått meg nåken tankevekkerar og det trur eg me alle har godt av i blandt.

Eg gløymer aldri kvinna på 30+ som sa i telefonen til ein venn at hvis ikkje denne medisinen virka så kjeme eg til å dø. Hu orka ikkje å leva slik som ho gjere nå, innlagt på isolat på et hospital.

Eller guten på ca. 16 som var inne for beinmargstransplantasjon. Det kunne vore ein av mine ungar...

Eg gjøymer heller ikkje varmen og omsorgen fra alle pleierane. For ein fantastiske jobb dei gjere. Dei var ekstremt blide og positive. Dei visste ikkje ka godt dei skulle gjera for meg.

Går du inn på et hospital er det litt som å havna i ei maurtua. Masse folk som springe rundt og sjøl så kava du på for å finna rette avdeling, klinikk eller seksjon. Du får ikkje sett nåke av sjølve hospitalet før du svett og glad detter ned i ein stol på et venterom og grabba et Se&Hør eller hvis du er heldig- et interiørblad.

Eg var nå så "heldig" at eg måtte gå fra den eine avdelingen til den andre både seint og tidlig pga nåken slangar i hånda mi som kom ut fra et apparat i nåke som kan betegnast som "verdens styggate håndveske". Denne bugunder-raude veska matcha overhode ingen av mine antrekk og eg skamma meg kvar gong eg gjekk ut av rommet mitt.

Uansett, søndag morgen gjekk eg gjennom hospitalet kl. 06.45. og det var ein utrolig spesiell opplevelse. Det var ikkje et menneske å sjå, eg var heilt aleina. Det var så stille der at det neste gjorde vondt. Og det var då eg såg det. Det var då eg egentlig såg kor fint Hospitalet er. Kunsten, plantene, lyktestolpane i glassgata og dei fine trebenkene.

Eg gjekk opp i 2. etg til rett avdeling og sto på broen og såg utover og det var fremdeles ikkje et menneske å sjå, ikkje ein lyd. Så - på slaget kl. 07.00 kom dei. Som små maur kom dei fram fra ingensteder. Plutselig myldra dei fram i sine kvite klær og mjuke sko. Eg måtte kjenna litt på dei oppstukkne armane mine. Ja, dei stikker dei også, nett som maurane...

22.juni skal eg tilbake igjen for å få fasitsvaret. Eg er spent men tar det rolig. Eg får sei som Kongen seier: "Jeg er frisk til det motsatte er bevist"

Taxisjåførar er ikkje som andre sjåførar...

2009-05-15T11:00:00.002+02:00

Denne våren har vore spesiell for meg siden legane ved julatider "gjorde et funn". Nå har ikkje eg tenkt å greia ut om dette i det vide og breie men "funnet" har bragt meg over til Tigerstaden nåken gonger den siste tida.

Torsdag morgen satte eg meg inn i den forhåndsbestilte taxien til ein hyggelig og blid sjåfør. Me begynte å snakka om diverse og kom inn på ungar. Han hadde i likhet med meg ei datter som var russ i år, men så hadde han egentlig ikkje det alikevel, for dattera hadde dødd under svært tragiske omstendigheter for ei tid tilbake siden. Det var ein grusom historie å høyra, særlig kl. 06.30 om morgenen på vei til legar som kanskje kunne gjera enda fleire funn. Før me var framme hadde eg gitt både trøst og råd i håndtering av sorg og eg hadde jammen hatt meg ein runde innom PPT, helsestasjon, kyrkja og skulen.

Hospitalet var veldig pent. Nytt og fint, kult interiør og fine kunst. I ettertid tenkje eg at eg burde hatt med fotoapparatet men blogg var ikkje i tankane denne dagen...

Ca. tolv timar seinare steig eg nok eingong inn i ein taxi. Dene gongen til ein mann som var veldig opptatt av kø. Ikkje veit eg kordan me kom inn på temaet men plutselig hadde han fortalt meg at han nylig hadde fått diagnosen Asperger syndrom og var blitt skilt i samme slengen. Det er ganske uvanlig å få denne diagnosen i ein alder av 38 år og fyren var nå svært bekymra for kordan det skulle bli nå han nå skulle ut på "markedet" igjen. Eg prøvde å gi han nåken gode råd om kor han kunne få hjelp, trøsta og sa at det sikkert kom til å gå bra.

Då eg kom heim følte eg meg nåke nedtrykt. Møkje problemer på ein dag.

Tirsdag morgen, ny taxi... Lurte veldig på ka som venta meg denne gang. Eg satte meg inn og sjåføren, ein kjekke mann, snudde seg og sa. "Do lokter jææææævlig godt!" med trykk på æ-en. Jeg måtte jo le litt og spurte om det var før møkje kanskje? Neida det var det ikkje men han ville gjerne vite ka merke det var slik at han kunne kjøpe den samme til fruen. Ja, nå var jo han egentlig skilt då så det var kanskje ikkje aktuelt alikevel, og då var me igang igjen, he he.

X-antall kaffi og fillete Se & Hør seinare satte eg meg inn igjen og me var ikkje kommet lengre enn første rundkjøringa før han hadde fortalt meg kor sur han var på x-en fordi hu hadde tatt med seg ungen og flytta til Drammen. Og så Drammen du, han likte ikkje den byen!

Eg prøvde å foreslå at han kunne flytta til et sted i nærheten av Drammen, kanskje det kunne være nåke? Men nei. Det kom ikkje på tale. Situasjonen virka fastlåst og siden me ikkje hadde x-en med på denne taxituren var det vanskelig å finna ei løying på problemene som begge partar kunne akseptera.

Eg gav opp og prøvde å snakka om nåke anna. Me enda opp med ungar med brukne bein som grodde feil samen, kompliserte fødslar og kvinnfolk som ikkje vil jobba. Du hendelse...

Ka er det så med taxisjåførar? Har dei meir problemer enn andre yrkesgrupper eller er dei berre flinkare enn andre å fortelja om dei? Eller er det meg som utstrålar konfliktløysing og omsorg?

Uansett så er desse karane med på å gjera taxituren interessant, he he!

I mangel på bilder har eg plukka diverse taxilogoar fra Google.

Konfirmasjonsstressing

2009-04-23T12:22:00.003+02:00

Hei alle der ut!
I dag er det nøyaktig 1000 stk som har vore på besøk hos meg! Det er jo heilt utrolig gøy!

Den siste tida har eg stressa på med konfirmasjonen til jente nr. 3. Det er kjekt men møkje arbeid. Glad det er 5 år til neste mann. Lørdag kl. 13 braker det laus med både sangar og talar. Skal berre ordna ca. ein million småting først. Lurer for eksempel på om bunaden min passar i år? Burde sikkert prøvd den på men har ikkje tid.

Det har vore lite blogging i det siste men eg kjeme sterk tilbake.

Kryss fingrane dine for oss på lørdag!

...og der var påsken slutt.

2009-04-13T01:00:00.000+02:00

Det e jo jysla vanskelig å ha hemmelig blogg når me har ferie og ungane henge rundt oss heile dagen. Derfor har eg ikkje klart å produsera et einaste innlegg med egg, gule lys, kvister og kyllingar.

Men nå e jentene oppe på "jomfruloftet" og Pusegutten e i seng så eg prøve å oppsummera påskeferien her.

Eg var utrolig sein med å få fram påskepynten i år. Skjærtorsdag grov eg fram både høns og gardiner og heiv dei opp i en fart.

Denne påskeharen med snurra øyrer ser lika sprø ut som ungane meina eg er.

Litt påskepynt son eg raska samen hos Nille, for 49,50

Då eg var på besøk hos mor mi traff me denna flotte væren. Pusegutten klappa han på horna og vett du, dei e VARME! Ein svært interessant oppdagelse. Eg visste ikkje at horn var varme men då e dei vel det på reisdyr, kyr og nashorn òg?

Det er alltid like traumatisk for meg å komma på besøk til heimbygda mi. Eg reiser ned så sjelden at dei har gjort store forandringar siden sist. Nå er det hyttebygginga som har slått til for fullt. Dei fleste plassane eg lekte på då eg var liten e nå vekk til fordel for hytter digre som hus. Ja ja sånn e det. Eg kan vel ikkje forlanga at dei skal la lekeplassane mine stå uberørt i tilfelle eg dukka opp. Eg fant nå vårens første hestahov i ein skrent som enda ikkje var fjerna av gravemaskinar og buldoserar.

Nå gleda eg meg til resten av våren med konfirmasjon, 60 års dag og tur til Stockholm.

Peiskos i heimen

2009-04-01T08:30:00.000+02:00

Etter nyttår kom eg over ei annonsa i avisa der det sto at kommunen villle gi meg 5000 kr for den gamle kaminen vår. Kanon! tenkte eg og heiv meg rundt. Her var det førstmann til mølla som gjaldt og eg ville væra først. På null komma niks var eg nede i postkassen med søknaden.

På dette tidspunktet var eg allerede på nettet og søkte etter peis. Nå skulle det bli peiskos i heimen, du!

Mens eg venta på at søknaden skulle bli innvilga - for det måtte den jo - fant me ut at isbjørnskinn er jysla dyrt og vanskelig å få tak i og at kuskinna dei selger på LIVIVG e dritvonde å ligga naken på...

Jentene meinte forøvrig at å ligga naken på et skinn, forran peisen å drikka vin e sånn dei gjere på film men som ikkje egna seg for levande foreldrer. Særlig ikkje deiras foreldrer...

Så kom svaret, me fekk vrakpant! Det var berre å bli kvitt kaminen. Og ut fòr den før eg fekk tatt bilde. Så eg har nå lånt et bilde fra naboleiligheten som i desse dagar ligger ute for salg. Den er heilt identisk.

Nå er det sikkert nåken der ute som synes kaminen er fin eller som har ein lik men eg er altså veldig lei av den. Den tar for møkje plass, bruka et år på å bli varm og ikkje minst den forurenser som berre det.

Me demonterte "dyret" og bar den fra 3. etasje ned i kjelleren. Sjølve ovnen var ein rund jernkolbe. Utenpå den var det skiferplater som sikkert kan brukast te nåke.

Ryggen min og begge knea til mannen min røyk. Men ka gjere ein ikkje for å få litt peiskos... Då me kom ned merka me at me kunne tatt ut nåken steinar som låg inne i ovnen.

Så sto eg der og pusta ut og plutselig kom mannen min med badevekta! Nå skulle jernkolben vegast! Hallo? Vega ein ovn som skulle hivast? Den vog 57 kg. Så visset me det... Utrolig ka den mannen må dokumentera.

Ovnen blei kjørt til resirkulering, me fekk med oss et bevis på at me hadde levert den fra oss. Det skulle kommunen ha.

Nede på gjenbruksstasjonen fekk mannen min tårer i augene og klump i halsen. Det var jo så møkje flott materiale som kunne vore brukt til nåke. Eg minna han på mengder med gamle greier i kjellerbodene som venta på å bli brukt og han tok hintet.

Så var det å velga seg ein ny og fine peis. Me undersøkte på to lokale peisbutikkar og fant ut at 5000 kroner berre rakk til arbeidet med å få satt den nye peisen på plass!

Dei hadde jo billige ovnar men det var jo sånne som passa på ei hytta. Små, svarte Jøtulovnar f.eks. Eg hadde berre et krav og det var at eg skulle sjå flammane. Mannen min vurderte fordeler og ulemper med kleberstein, kakkelovn, pellets og ved.

Men me kom fram til at ein enkel og grei peisovn med reine linjer, ikkje for liten, ikkje for stor ville passa hos oss. Dermed enda me opp med ein Contura 500. Her er bilde av den men ikkje fra stova vår...

Nå er det berre å venta. Vinen er klar, men det med skinnet er eg usikker på...

Svigermor sine ting

2009-03-29T22:51:00.000+02:00

Svigermor har altså ein fantastiske eiendom. Og et hus fult av ting. ENORME mengder av ting. Ingenting skal kastas for alt kan komma til nytte en dag. Eg blir jo litt oppgitt over kor fult det er over alt men innimellom dukka det jo opp nåken skattar.

Sist me var på besøk vaska og rydda eg og jentene et av romma som ikkje har vore i bruk på ei stund. Me fekk vekk store mengder med klær og klut, aviser og utklypp, tråd og tau osv.

Eg fant både antikviteter og andre nedstøva ting.

Dette "skrinet" eller kva ein skal kalla det er jo ganske fint. Trur det er forholdsvis gammalt.

Ein fotskammel kanskje? Lokket kan kan opnast slik at ein kan oppbevara ting nedi.

Eller kva med desse gamle treskrina? Dei er fulle med gamle brev fra slutten på 1800-tallet.

Svigermor sitt hus

2009-03-26T22:48:00.000+01:00

Svigermor bur i et hus fra 1875. Det er sjølvsagt gjort endringar og forbedringar opp igjennom tidene men inne i Gamlastovo er det nydelige tømmervegger fra huset var nytt.

Om nåken år håpa eg at me kan overta plassen og ha det til feriehus. Men eiendommen er stor og det er MØKJE å gjera. Kan jo håpa på å få mange svigersønner/døtre som kan ta et tak samen med oss for her er store muligeheter hvis ein har tid og krefter (og penger...)

Her er bilde fra "Den løyndomsfulle hagen". Nydelige "Herregårdsroser" som svigermor kallar det.

Nå sitter eg her med snøfloksene utenfor stovevinduet og lengtar tilbake til ein fantastiske sommar i fjor.

Blomsterkrukke til besvær.

2009-03-23T09:46:00.000+01:00

Tirsdag kveld skulle eg ut å fylle spylervæske på bilen. Som vanlig kom eg i full fart ut gjennom kjellerdøra og då låg eg der.

Eg hadde snubla i diger blomsterkrukke. Det var ingen å skylda på heller for krukka har eg plassert der sjøl...

Det resulteret i ein kjempeblødning i låret og 3 dager hjemme fra jobb.

I helga har eg planta i alle krukker og potter så ingen andre skal snubla.

Orkidehjelp søkes

2009-03-16T10:02:00.000+01:00

Mannen min er veldig flinke til å stella plantene våres. Men me har et problem når det gjelder orkideane. Ka gjere me med dei når dei er avblomstra?

Hvis det er nåken som har gode råd så hadde eg vore takknemmelig.

Denne har me plassert oppå et skap, men skal me gjera nåke meir med den?

Endelig helg!

2009-03-13T21:00:00.001+01:00

Det var kjekt å komma tilbake på jobb etter vinterferien men himmel kor deilig det var å gå heim i dag!

Har sett meg ned med PC og vin, ungane har fått pizza og mannen min ser på VM i enkeltdistanser (skøyteløp).

Gleda meg til å vakna utkvilt og fin i morgen på min deilige Hästens.

God helg der ute!

Vinkel

2009-03-12T14:16:00.000+01:00

Satt på nettet og leita etter informasjon om vinklar til et undervisningsopplegg. Både rette og spisse og stumpe vinklar. Googla - og fant både det eina og det andra då eg plutselig fekk auga på ein link som var møjke meir spennande enn dei andre.

Der sto det: Lille Vinkel Sko - Kjempeutvalg av motesko på nett - Kåret til beste.... Glemt var vinklane, for hvilken nettbutikk!

Dette er altså ein fantastiske nettbutikk for dei som elska sko.

Nå er 70% så hiv deg rundt og bestill!

I tillegg til netbutikken som starta i 1999 så har dei fire butikker i Oslo og ein i Bergen. Den i Bergen hette WalkAbout og ligger i Telegrafen.

Nå er problemet berre kordan eg skal forsvara fleire skokjøp uten at mannen min "klikker vinkel" som jentene seier...

http://www.lillevinkelsko.no/

Appelsinfrokost

2009-03-12T10:20:00.000+01:00

I går kom mannen min heim med appelsiner. Kilovis med appelsiner. Nå nærma det jo seg påske med stormande skritt og appelsinene er heilt fantastiske.

Dette er appelsinskåla mi. Den knallgrønne fargen passa fint til dei oransje appelsinene.

Lærte et appelsintriks av ei jenta i går. Hvis du fjerna stilkfestet til appelsina ser du nåken striper. Hvis du teller dei så finner du ut kor mange appelsinbåtar det er i appelsina. Lurt, ikkje sant?

Pusegutten og eg koste oss med kjempegode appelsiner til frokost. Deilig!

Finsk design

2009-03-07T22:59:00.000+01:00

Forrige søndag røyk plutselig varmluften i stikeovnen. Håpte at me endelig kunne kjøpa ny komfyr men den er bare 9 år så me fant ut at den måtte reparerast. Har veldig lyst på ein ny og fancy induksjonssak men det får vente til ein av ungane flytta på hybel og tar med seg den gamle.

Ringte et firma som skulle sende ein mann for å fikse vamelementet. Han skulle komme torsdag formiddag. Som vanlig når du venta på ein reparatør så går heile dagen. Heldivis var det vinterferie. Han kom klokka halv fire. Og for ein reparatør! Fyren var finsk men hadde bodd i Norge siden 90-tallet. Han var den mest sjarmerende mannen me har truffet på lenge. Han fortalt om seg sjøl, familien sin, hans gamle finske far som hadde bygget garasje og sauna på hjul, om sommaren han la på seg 15 kg på 4 veker og litt om reparasjon av komfyr.

Mens eg sto og hørte på han begynte eg å tenka på finsk design. Finnane er jo veldig flinke når det gjelde design. Eg gjekk på nettet og fant nåke som hette FinnishDesignerShop. Her finnes utrolig masse fint. For eksempel så har dei nåke dei kalla "Shop by colour". Veldig kjekke sak. Du velge berre fargen du vil ha så kjeme det opp masse røde/kvite/svarte eller grøne greier.

Her har eg plukka ut nåke rødt eg kunne ha tenkt meg.

Ta turen innom http://www.finnishdesignshop.com/

STOFF & STIL

2009-02-26T17:52:00.000+01:00

Då eg kom heim i dag låg det ein katalog i postkassen. Den hette STOFF & STIL og er visstnok fra ein nye butikk i Åsane. Framsida såg ut som den var henta fra ein interiørblogg og eg begynte å bla interessert i den.

Her var møkje spennande! Prikkete dukar, hekla kakestykker stripete tøykattar og bordskånerar i tova ull. Her må eg ut å handla, tenkte eg.

Skuffelsen var stor då det gjekk opp for meg at eg faktisk må sy, hekla og tova sjøl... Detta er antgelig ein fancy utgave av Husfliden som mor mi pleide gå på. Bakerst i katalogen er prisar på stoff, garn, heklenåler og glidelåsar.

Mannen min kom heim, bladde litt i katalogen og heiv den rett i papirkorga. "Eg får fnatt av sånn husflids-krattel! Nå vil eg ha vår!" Ja ja, han som klaga på at eg ikkje gidde å sy meir...

For dei der ute som gidde å sy så er dette butikken. http://www.stoffogstil.no/

Dei to siste bildene er henta fra nettsida deiras.

Kremburgersøndag

2009-02-22T22:16:00.000+01:00

I dag var det Kremburgersøndag og ungane gleda deg til å eta klissete kremburgerar til det tøyt ut av øyrene.

Det var desverre tomt for kremfløyte på Rema 1000 i går kl. 18.00 men eg satsa på nærbutikken som nesten har ope 24-7. Etter ein fine tur i det som nesten kan kallast vårvær gjekk eg inn på ICA'en for å få tak i krem. Heile Bergen og halve Sandviken var ute i samma ærend...

Så prøvde eg Innvanderbutikken. Men nei. Han lurte veldig koffer alle skulle ha krem i dag? Om det var ein fest? Eg forklarte at det var nesten som norsk Ramadam men altså uten fasting. Han rista på hodet og sa at neste år skulle han skaffe krem i bøtter og spann.

Ungane var jo meget besvikne då dei høyrde at det ikkje blei kremburger på dei. Ei av jentene tok faktisk på seg regnklær og gjekk frivillig ned på Bænneren (Shell-stasjonen) for å få tak i juksekrempåboks. Uten hell.

Så då blei det skillingsboller i stedet. Eg grov fram et stettafat eg fekk for nåken år siden. Ganske fint egentlig.

Ha ein fine Kremburgersøndag!

Bildene har jeg tatt sjøl eller lånt fra nrk.no

Badekar med løveføtter

2009-02-11T21:48:00.000+01:00

Mannen min har i lang tid snakka om at han har lyst på et badekar. Eg var i utgangspunktet ikkje spesielt positive. Eg vaks opp med et badekar som ingen brukte men som mor mi skrubbba med Jif i tide og utide.

Men altså, badekar var et tilbakevendande tema og det var ikkje hvilket som helst bakekar han skulle ha. Nei, han skulle ha badekar med løveføtter! :-0

Så ein dag kom det ein brosjyre fra fra ein "badekarbutikk" i posten. Dei hadde jo badekar i alle fasongar og prisklassar. Mannen min kasta seg over brosjyren som Pusegutten kasta seg over leketøyskatalogane. Han bladde forbi alle praktiske badekar med praktisk front og overkommelig pris og fant fram til ein lekker sak med løveføtter og trykk-og-slipp-propp i messing. Vidunderet kosta 17 999,50.

Det var jo uaktuelt for oss å kjøpa ein plaskebalje til 18 tusen spenn men han gav seg ikkje. Han ville ha et sånt badekar, så ein dag ringte eg ein gammal bekjent av meg som har et rørleggarfirma. Eg tenkte eg skulle undersøke litt for då kunne eg kanskje få slutt på maset. Kim har et badekar med løveføtter liggande på lur liksom...

Om han hadde badekar med løveføtter? Visst hadde han vel det! Ein kunde hadde nemlig bestilt et badekar men då han hadde fått det inn på lageret sitt nekta vedkommande å ta imot det. Så der sat han med badekaret og hvis eg ville ha det skulle eg få det for berre 15 000 kroner. Det var jo et godt tilbud men dyrt alikavel. Dette måtte me nå diskutera litt i heimen.

Mannen min blei vill og gal, detta måtte me ha! Eg ringte tilbake for å disktutera pris og før eg visste ordet av det hadde eg kjøpt et badekar til 13 000.

I forfjamselsen blei det nok litt uklart om me skulle hente det sjøl eller få det tilkjørt. Dagen gjekk, det blei ettermiddag og kveld uten at det dukka opp nåke badekar. Klokka 20.00 begynte det begynt å snøa kraftig og mannen min såg føre seg at badekaret hans sto aleina ute i snøen. Så me heiv oss i bilen og kjørte til badekarlageret - og der sto det. Nedsnøa og iskaldt! Vel, det var nå pakka inn i nåke papp og treplater. Etter masse strev fekk me det inn i bilen og fuglane vett kordan me fekk det inn i hus for det var svintungt.

Me satte i gang å montera det men oppdaga til vår store skrekk at løveføttene var borte! Tenk om nåken hadde stjålet dei! Krise! Dagen etter ringte me til rørleggaren og nåken timar seinare blei føttene levert på døra. Hurra! Føttene kom på plass og det var atter lykke i heimen.

Mannen min kom nå dragande med eteriske oljer, badekuler, skumbad, fresebobler med dinosaurar inni, badeender i all slags fasongar som skifta farge i varmt og kaldt vatn og flasker med maling som skulle gjera deg både glad og blid og blå. Det var ikkje måte på ka remedier som skulle puttast opp i karet. Og så var det lys og vin og musikk. Eg var imponert.

Så sto eg der og såg inn på badekaret med løveføtter og måtte jo innrømme at det var et vakkert badekar. Veldig vakkert.

Me ligge stadig å skvalpa oppi badekaret både med og uten vin, ender, kuler, bobler og musikk og det er veldig deilig.

Hvis din mann skulle komma heim og sei at han vil ha badekar med løveføtter er det bare til å sette i gang...

Morsdag

2009-02-08T18:11:00.000+01:00

Jentene og Pusegutten kom ramlande inn på soverommet vårt i halv 10-tida med både pakkar og kort. Eg hadde egentlig sagt til mannen min at alle desse dagane berre e for at handelsstanden skal tjena penger men nett nå kjente eg at det var nå litt koselig alikavel.

Jentene hadde shoppa skål, kaffe og sjokolade fra Fryd (ein buttikk som må sjekkes nærmere ut) og ein veldig søt portemone fra Accessorize.

Så bar det ut igjen på ski! Eldste dattera vår skulle som vanlig på øving og du ana ikkje kor sjelden bussane går i Bergen på en søndag. Ja, det var jo til og med snø denne søndagen her... Men resten av familien blei stappa i bilen samen med x-antall par ski og akebrett og te og sjokolade.

Då me kom fram fant ei av jentene et tre, satte seg ned og putta iPoden i øyrene. Papppa og Pusegutten herja på i bakken.

Nå e planen å komma seg ut kvar kveld så lenge det e snø i Bergen.

På ski

2009-02-07T18:31:00.000+01:00

Siden det har kommet masse snø i Bergen dei siste dagane foreslo eg at me skulle lasta bilen med ski og sjokolade og ta oss ein laaang og god skitur i dag. Gjengen var ikkje veldig positive, for å sei det sånn. Nåken skulle på øving, andre på trening, ei hata å gå på ski og det var VM på skøyter på TV... Så derfor blei det Pusegutten og meg.

Me rigga oss te og kjørt avgårde. Været var flott og føret bra. Det e ikkje ofta me har det sånn i Bergen.

I morgen har eg planlagt at jentene skal være med oss. Det blir sikkert til høylytte protester. Av og te lure eg på koffer me gidde å dra på sure tenåringsjenter. Forhåpentligvis legge det et grunnlag som dei føre videre til barnebarna våre...

Det vanskelige andreblogginnlegget

2009-02-05T23:51:00.000+01:00

Gjekk greitt med den første. Har brukt et døgn på å fiksa og triksa men eg trur jaggu eg er fornøyd med sånn som den er nå.

Spurte forresten jentene om "sånn blogg" i dag.
Det var "såååå fjortis altså!" Måtte le for meg sjøl, hu eina er 15 og hu andra er 14. Vel, dei kunne berra advare meg, "blogg e bare så ut..." Eg måtte ikkje finna på å begynna med det.
"Har du fritidsproblemer eller...?" Og når eg tenkte etter så er vel fritid et lite brukt ord i vokabularet mitt.

Etter den forsiktige markedsundersøkelsen trur eg ikkje eg skal kringkasta i heimen at eg har starta denna bloggen.

Var hima med sjukt barn i går. Ungen blei raskt feberfri og kasta seg over Play Station og eg holdt på å kjeda meg i hel. Tok nåken blider av orkideane våre.

Skulle nesten tru at eg er ei gartnarspira men her i heimen er det han som stelle plantene og eg ser på dei. Grei fordeling.

Ein begynnelse

2009-02-05T23:08:00.000+01:00

Å starta ein blogg e faktisk veldig vanskelig. sikkert lika vanskelig som å skriva ein roman.
Ka skal blogggen handla om, kim vil lesa den, ka for nåken bilder skal en ha med?

Eg har sett ein del på forskjellige bloggar i det sista. Interiørbloggane e jo dei finaste, særlig Emmeline sin. Men nå eg ikkje spesielt opptatt av interiør sjøl om det e fint.

Eg har mange spennsnde problemer som eg har lyst til å få hjelp til. Med 4 ungar i huset blir det lett nåken problemer. Kanskje det finnes nåken kloke hoder der ute?

Så må eg nesten avslutta med et bilde. Her e ei rosa fra hagen til svigermor.